Icunjĩ na video iria igaathagĩrĩrio thĩinĩ wa website itũ ikoragwo ithondeketwo irĩ na muoroto wa kũgucĩrĩria arĩa marĩ na mwerekera ũrĩa wagĩrĩire. (Atũ 13:48) Maita maingĩ ciaragĩrĩria maũndũ marĩa marĩ mohoro-inĩ kana marĩa andũ mareciria na kwaria ũhoro wamo.

Ũngĩhũthĩra atĩa icunjĩ na video iria igaathagĩrĩrio thĩinĩ wa jw.org ũrĩ ũtungata-inĩ?

• Roraga website itũ kaingĩ. Rora wone kĩrĩa gĩkĩrĩtwo ho ica ikuhĩ na wĩcirie ũrĩa ũngĩkĩhũthĩra gũteithia mũndũ ũrakenio nĩ ũhoro. (Nĩguo wone indo iria ikoretwo ikĩgaathĩrĩrio ho ica ikuhĩ, hihinya harĩa handĩkĩtwo “Rora Ingĩ.”) Gũikara ũkĩroraga indo iria irekĩrũo thĩinĩ wa website nĩ gũgũgũteithia kũgĩa na maũndũ merũ ma kũhũthĩra ũtungata-inĩ.

• Hũthagĩra icunjĩ na video iria iragaathĩrĩrio thĩinĩ wa website kwambĩrĩria ndeereti. Icunjĩ icio na video no itũteithie kũmenya maũndũ marĩa marĩ meciria-inĩ ma andũ a gĩcigo gitũ.

• Onagia andũ website itũ. Monie maũndũ matiganĩte marĩa marĩrĩrio na ũmonie ũrĩa mangĩetha ũhoro thĩinĩ wa website itũ.

• Tũmagĩra andũ link. Andũ amwe matiendete kwaria na ithuĩ ĩmwe kwa ĩmwe, no matingĩkorũo na thĩna gũthiĩ thĩinĩ wa website itũ. Kwoguo rĩrĩa wacemania na mũndũ ũrakenio nĩ ũhoro, no ũmũtũmire link ya kũhingũra website itũ kana ya gĩcunjĩ kĩna kana video harĩ iria iragaathĩrĩrio.