Andũ aingĩ makoragwo na mawoni matagĩrĩire kwerekera andũ arĩa marĩ na ũnene. No tũtaũkĩrũo nĩ kĩrĩa gĩtũmaga makorũo na mawoni ta macio. Kwa ihinda iraihu, andũ makoretwo makĩhũthĩra ũnene wao kwĩguna o ene. (Mik 7:3) Nĩ tũkenaga mũno tondũ athuri a kĩũngano nĩ mamenyeretio kũhũthĩra ũnene wao gũteithia andũ a Jehova.—Es 10:3; Mat 20:​25, 26.

Ngũrani na andũ arĩa marĩ na ũnene thĩinĩ wa thĩ, athuri a kĩũngano merutanagĩria wĩra-inĩ wao marĩ arori nĩ ũndũ wa wendo wao harĩ Jehova na andũ ake. (Joh 21:16; 1Pe 5:​1-3) Magĩtongorio nĩ Jesu, arĩithi acio mateithagia o mũhunjia kũigua arĩ gĩcunjĩ gĩa famĩlĩ ya athathaiya a Jehova, na gũtũũria ũrata wa hakuhĩ na Jehova. Nĩ moyaga ikinya na ihenya magekĩra ngʼondu cia Jehova ngoro na makaheana ũteithio rĩrĩa kwaumĩra ũndũ wa hinahi wĩgiĩ ũrigitani kana rĩrĩa kwaumĩra gĩcanjama. Ũngĩbatara ũteithio, no waranĩrie na mũthuri ũmwe thĩinĩ wa kĩũngano kĩanyu.—Jak 5:14.

WĨRORERE VIDEO YA ARĨITHI ARĨA MARŨMBŨYAGIA RŨŨRU, ŨCOKE ŨCOKIE CIŨRIA ICI:

• Mariana aagunĩkire atĩa kuumana na ũteithio ũrĩa aaheirũo nĩ athuri a kĩũngano?

  Macokio maku

• Elias aagunĩkire atĩa kuumana na ũteithio ũrĩa aaheirũo nĩ athuri a kĩũngano?

  Macokio maku

• Thutha wa kwĩrorera video ĩyo-rĩ, mawoni maku nĩ marĩkũ kwerekera wĩra wa athuri a kĩũngano?

  Macokio maku