Nĩ kĩheo kĩrĩkũ kĩa bata mũno ũngĩhe ciana ciaku? Nĩ harĩ indo nyingĩ cibataraga, ta wendo, ũtongoria, na ũgitĩri. O na kũrĩ o ũguo, kĩheo kĩrĩa kĩa goro mũno ũngĩcihe nĩ ũmenyo wĩgiĩ Jehova na ma iria irĩ thĩinĩ wa Kiugo gĩake Bibilia. (Johana 17:3) Ũmenyo ũcio no ũteithie ciana ciaku cikũre cikĩendaga Jehova na cimũtungatĩre na ngoro yothe kuuma cirĩ o tũkenge.​—Mathayo 21:16.

Aciari aingĩ nĩ monete atĩ ciana iria nyinyi nĩ cinyitaga wega mathomo makuhĩ na maũndũ matararĩa ndagĩka nyingĩ. Kwoguo tũrĩ na gĩkeno mũno kũruta kabuku gaka, Ndĩĩrutaga Kuumana na Bibilia. O ithomo rĩhaarĩirio kũrutana na njĩra hũthũ. Mbica na ũhoro ũrĩa ũrĩ ho cihaarĩirio makĩria nĩ ũndũ wa ciana iria itakĩrĩtie mĩaka ĩtatũ. Nĩ honanĩtio maũndũ mũngĩka hamwe. Kabuku Ndĩĩrutaga Kuumana na Bibilia ti kĩndũ gĩa ciana gũthaaka nakĩo. Ithenya rĩa ũguo, kahaarĩirio nĩguo mũthome hamwe na ciana ciaku, na kwoguo no kamũteithie gũkorũo mũkĩaranĩria wega.

Tũrĩ na ma atĩ kabuku gaka nĩ gegũgũteithia rĩrĩa ũraruta mwana waku ma cia Bibilia kuuma ‘arĩ kaana’ kanini.​—2 Timotheo 3:14, 15.

Ariũ a Ithe wanyu,

Kĩama Kĩrĩa Gĩtongoragia kĩa Aira a Jehova