Hihi nĩ ũririkanaga mahinda mega marĩa wakoragwo namo ũrĩ hamwe na andũ a Jehova, maũndũ ta: mũcemanio wagwĩkĩrire ngoro, kĩgomano gĩagũcanjamũrire, kaũndũ wakeneire ũkĩhunjia, kana ndeereti njega hamwe na ndungata ĩngĩ ya Jehova? Ndũriganĩirũo nĩ Jehova; nake ndarĩ aariganĩrũo nĩ we. No aririkanaga ũtungata waku mwega. Na nĩ arerirĩria gũgũteithia ũmũcokerere.

Jehova oigĩte atĩrĩ: “Niĩ mwene, nĩ niĩ ngaacaria ng’ondu ciakwa ndĩcirĩithagie. O ta ũrĩa mũrĩithi amenyagĩrĩra rũũru rwake rũrĩa rũhurunjũkĩte rĩrĩa arĩ hamwe naruo-rĩ, ũguo nĩguo o na niĩ ngaamenyagĩrĩra ng’ondu ciakwa. Nĩngaciteithũra ndĩcirute kũrĩa guothe ciahurunjirwo.”—Ezekieli 34:11, 12, Holy Bible in Gĩkũyũ.