Korũo na muonere ũrĩa wagĩrĩire kwerekera athikĩrĩria aku. Gĩa na ma atĩ Akristiano arĩa angĩ o nao nĩ mendaga gũkenia Jehova. O na angĩkorũo no mũhaka ũheane ũtaaro, amba ũmagaathĩrĩrie harĩa mekĩte wega.

Ndũkarie maũndũ maingĩ ma kũũraga ngoro. Arĩrĩria mathĩna o rĩrĩa ũrenda kũhingia muoroto mũna. Mĩario yaku yothe yagĩrĩirũo gũkorũo ĩrĩ ya gwĩkĩra ngoro.

Hũthĩra Kiugo kĩa Ngai wega. Arĩrĩria maũndũ marĩa Jehova ekĩire andũ, marĩa aramekĩra, na marĩa akaamekĩra. Teithia athikĩrĩria aku makorũo na mwĩhoko na ũmĩrĩru.