Thuura ngerekano hũthũ. O ta Jesu, hũthĩra maũndũ manini gũtaarĩria maũndũ manene, na maũndũ mahũthũ gũtaarĩria maũndũ maritũ. Ndũkongerere maũndũ matarabatarania marĩa mangĩritũhia ngerekano yaku. Tigĩrĩra atĩ maũndũ marĩa marĩ ngerekano-inĩ yaku nĩ maratwarana na ũndũ ũrĩa ũrarutana nĩguo athikĩrĩria aku matikahĩngĩcwo nĩ maũndũ marĩa mataratwarana.

Wĩcirie maũndũ marĩa mangĩguna athikĩrĩria aku. Thuura ngerekano iria ihutĩtie maũndũ marĩa athikĩrĩria aku mekaga na marĩa makenagio nĩmo. Menyerera ndũkahũthĩre ngerekano ingĩmaconorithia kana imarakarie.

Rutana ũndũ ũrĩa mũnene. Hũthĩra ngerekano gũtaarĩria maũndũ marĩa manene no ti tũmaũndũ tũrĩa tũnini. Tigĩrĩra atĩ athikĩrĩria aku matirĩririkanaga o ngerekano tu no nĩ nginya ũrutani wa ngerekano ĩyo.