Ngerekano irĩ thĩinĩ wa Bibilia:

• 2Ma 32:​2-8—Mũthamaki Hezekia nĩ eekĩrire andũ ngoro rĩrĩa Aashuri mookire kũmatharĩkĩra

• Da 10:​2, 8-11, 18, 19—Rĩrĩa mũnabii Danieli aakũrĩte mũno na akoorũo nĩ hinya, mũraika nĩ aamwĩkĩrire ngoro

Ngerekano irĩ thĩinĩ wa Bibilia:

• Gũc 3:28; 31:​7, 8—Musa nĩ eekire o ta ũrĩa eerĩtwo nĩ Jehova, agĩkĩra Joshua ngoro na akĩmwĩkĩra hinya nĩguo ahote gũtongoria rũrĩrĩ rwa Isiraeli

• Atũ 11:​22-26; 14:22—Mũtũmwo Paulo na mũtũmwo Baranaba nĩ meekĩrire Akristiano ngoro itũũra-inĩ rĩa Antiokia rĩrĩa maanyariragwo

Ngerekano irĩ thĩinĩ wa Bibilia:

• Ati 11:​37-40—Airĩtu a Isiraeli nĩ maathiaga gũceerera mwarĩ wa Jefitha o mwaka, makamũgaathĩrĩria nĩ ũndũ wa gũthuura gũikara ũtũũro wa kwĩima

• Kũg 2:​1-4—O na gũtuĩka Jesu nĩ aabataraga kũrũnga Akristiano a Efeso, nĩ aameerire maũndũ mega marĩa meekaga

Ngerekano irĩ thĩinĩ wa Bibilia:

• 1Sa 23:​16-18—Rĩrĩa Jonathani aamenyire atĩ mũrata wake Daudi nĩ aageragĩra ũndũ mũritũ, nĩ aamũcaririe nĩguo amwĩkĩre ngoro

• Joh 16:33—Jesu nĩ eekĩrire arũmĩrĩri ake ngoro akĩmeera atĩ mangĩĩgerekania na kĩonereria gĩake o nao no matoorie thĩ

• Atũ 28:​14-16—Mũtũmwo Paulo nĩ aagĩire na ũmĩrĩru ona ariũ a Ithe witũ mokĩte kũmwĩkĩra ngoro rĩrĩa aatwaragwo Roma gũciirithio

Ngerekano irĩ thĩinĩ wa Bibilia:

• Nda 11:​10-15—Musa nĩ aakuire ngoro mũno nĩ ũndũ wa mwerekera mũũru wa kũnuguna ũrĩa andũ maarĩ naguo

• Nda 13:​31, 32; 14:​2-6—Riboti njũru ya athigani arĩa ikũmi mataarĩ na wĩtĩkio nĩ yatũmire andũ makue ngoro na maremere Jehova

Ngerekano irĩ thĩinĩ wa Bibilia:

• 2Ma 20:​1-19—Rĩrĩa Mũthamaki Jehoshafatu aatharĩkĩirũo nĩ mbũtũ nene, nĩ aacokanĩrĩirie andũ hamwe nĩguo mahoe

• Atũ 12:​1-5, 12-17—Thutha wa mũtũmwo Jakubu kũũragwo na mũtũmwo Petero gũikio njera, kĩũngano nĩ gĩacemanirie Jerusalemu nĩguo kĩhoe

Ngerekano irĩ thĩinĩ wa Bibilia:

• Kĩa 39:​19-23; 40:​1-8—O na gũtuĩka Jusufu nĩ oohirũo hatarĩ na gĩtũmi, no aathiire na mbere kwĩhoka Jehova na kwĩrutanĩria gũteithia andũ arĩa angĩ

• 2Ath 6:​15-17—Mũnabii Elisha aarĩ na ũmĩrĩru o na arĩ ũgwati-inĩ, na akĩhoya Jehova ahe ndungata yake ũmĩrĩru o nayo

Ngerekano irĩ thĩinĩ wa Bibilia:

• 1Sa 1:​10, 11, 17, 18—Jehova nĩ aathikĩrĩirie mahoya ma Hana rĩrĩa aarĩ na mĩtangĩko na akĩmũteithia kũgĩa na thayũ

• 1Ath 19:​1-19—Rĩrĩa mũnabii Elija aaiguaga akuĩte ngoro, Jehova nĩ aamũheire ũteithio ũrĩa aabataraga wa irio na maĩ. Nĩ aamwĩkĩrire ngoro na akĩmũũmĩrĩria na njĩra ya kũmũhe kĩĩrĩgĩrĩro kĩa ihinda rĩũkĩte

Ngerekano irĩ thĩinĩ wa Bibilia:

• Ayu 14:​1, 2, 7-9, 13-15—O na rĩrĩa Ayubu aakuĩte ngoro mũno, nĩ aaiguaga omĩrĩirio nĩ kũmenya atĩ Jehova nĩ akaamũriũkia

• Da 12:13—Mũnabii Danieli arĩ na mĩaka ta 100, nĩ eekĩrirũo ngoro rĩrĩa mũraika aamwĩrire ũhoro wĩgiĩ ngerenwa ĩrĩa angĩkaaheo ihinda rĩũkĩte

Ngerekano irĩ thĩinĩ wa Bibilia:

• 1Sa 30:​1-9—Rĩrĩa Mũthamaki Daudi aageragĩra moritũ, nĩ aahoire Jehova na Jehova akĩmũhe hinya

• Lu 22:​39-43—Jesu akĩhiũrania na igerio iritũ, nĩ aahoire Jehova, na Jehova agĩtũma mũraika amwĩkĩre hinya

Ngerekano irĩ thĩinĩ wa Bibilia:

• Atũ 15:​2-4—Mũtũmwo Paulo na mũtũmwo Baranaba nĩ meekĩrire aarĩ na ariũ a Ithe witũ ngoro mũno ciũngano-inĩ iria maceeragĩra

• 3Joh 1-4—Rĩrĩa mũtũmwo Johana aarĩ mũkũrũ, nĩ eekĩrirũo ngoro mũno nĩ kũmenya atĩ andũ arĩa aarutĩte ũhoro wa ma no maatũũrĩtie wĩhokeku wao