Kĩhiko
Kĩhiko kĩaambĩrĩirie atĩa?
Nũũ Mũkristiano agĩrĩirũo gũthuura wa kũhikania nake?
Nĩ kĩĩ kĩngĩtũma Mũkristiano wa ma arege gwĩtĩkĩria mwarĩ kana mũrũwe ũbatithĩtio ahikanie na mũndũ ũteyamũrĩire Jehova na akabatithio?
-
Ngerekano irĩ thĩinĩ wa Bibilia:
-
Kĩa 24:1-4, 7—Iburahimu aatuire itua rĩa gũcarĩria mũrũwe Isaaka mũtumia kuuma kũrĩ andũ arĩa maathathayagia Jehova, no ti kuuma kũrĩ Akanaani arĩa maathathayagia ngai ingĩ
-
Kĩa 28:1-4—Isaaka eerire mũrũwe Jakubu acarie mũtumia kuuma kũrĩ andũ arĩa maathathayagia Jehova no ti kuuma kũrĩ Akanaani
-
Jehova aiguaga atĩa rĩrĩa ndungata yake yahikania na mũndũ ũtarĩ mwĩtĩkia?
-
Ngerekano irĩ thĩinĩ wa Bibilia:
-
1Ath 11:1-6, 9-11—Jehova nĩ aarakarire rĩrĩa Mũthamaki Suleimani aagire kũrũmĩrĩra mĩkaana Yake akĩhikia atumia a kũngĩ na agĩtĩkĩria magarũre ngoro yake
-
Ne 13:23-27—O ta Jehova, Nehemia nĩ aarakarire rĩrĩa Aisiraeli maahikirie atumia a kũngĩ arĩa mataatungatagĩra Jehova, na nĩ ũndũ ũcio akĩmarũnga na akĩmaherithia
-
Nĩkĩ nĩ wega gũthuura kũhikania na mũndũ ũtungatagĩra Jehova arĩ mwĩhokeku na ũrĩ na ngumo njega?
Ningĩ rora Ef 5:28-31, 33
-
Ngerekano irĩ thĩinĩ wa Bibilia:
-
1Sa 25:2, 3, 14-17—Nabali aarĩ mũndũ mũtongu, no aarĩ mũũru na ndaarĩ tha, kwoguo ndaarĩ mũthuri mwega harĩ Abigaili
-
Thi 21:9—Tũngĩthuura mũndũ ũrĩa ũtagĩrĩire wa kũhikania nake, ũndũ ũcio no ũtũme twage gĩkeno na twage thayũ
-
Ro 7:2—Mũtũmwo Paulo aataarĩirie atĩ rĩrĩa mũtumia ahika, akoragwo rungu rwa mũthuri wake ũrĩa ũtarĩ mũkinyanĩru, na kwoguo nĩ wega mũtumia gũthuura na ũũgĩ mũndũ wa kũhikania nake
-
Kwĩhaarĩria kũingĩra kĩhiko-inĩ
Nĩkĩ mũthuri nĩ agĩrĩirũo gũtigĩrĩra atĩ no ahote kũrũmbũiya mũtumia na ciana ataneciria kũingĩra kĩhiko-inĩ?
-
Ngerekano ĩrĩ thĩinĩ wa Bibilia:
-
Thi 24:27—Mbere ya mũthuri kũhikania na kũgĩa ciana, agĩrĩirũo gũtigĩrĩra atĩ no ahote kũrũmbũiya famĩlĩ yake
-
Andũ erĩ arĩa marenda kũhikania magĩrĩirũo gũcaria ũtaaro na kwamba kũmenyana wega nĩkĩ, handũ ha kũrora ũrĩa mũndũ ũcio ũngĩ aroneka na nja?
-
Ngerekano irĩ thĩinĩ wa Bibilia:
-
Ru 2:4-7, 10-12—Boazu nĩ aamenyire Ruthu wega na njĩra ya kũmwĩrorera akĩruta wĩra, kuona ũrĩa aarũmbũyagia Naomi, gũthikĩrĩria riboti kuuma kũrĩ andũ a kwĩhokeka, na kuona ũrĩa eendete Jehova
-
Ru 2:8, 9, 20—Ruthu nĩ oonire atĩ Boazu aarĩ mũndũ mũtugi, mũtaana, na nĩ eendete Jehova
-
Jehova endaga arĩa marenda kũhikania matikeingĩrie mĩtugo-inĩ ĩtarĩ mĩtheru nĩkĩ hĩndĩ ya kuuhana?
-
Ngerekano irĩ thĩinĩ wa Bibilia:
-
Thi 5:18, 19—Njĩra imwe cia kuonania wendo nĩ cia o andũ arĩa mahikanĩtie tu
-
Rwĩ 1:2; 2:6—Mwanake ũrĩa warĩ mũrĩithi na mũirĩtu Mũshulami moonanagia nĩ mendanĩte kũgerera ciugo na ciĩko njega no ti maũndũ matarĩ matheru
-
Rwĩ 4:12; 8:8-10—Mũirĩtu Mũshulami aaikarire arĩ mũtheru na akĩonania ngumo ya kwĩgirĩrĩria. Aatariĩ ta mũgũnda mũirigĩre
-
Mũthuri na mũtumia magĩrĩirũo kũhikania kĩĩwatho nĩkĩ?
Itemi rĩa mũthuri
Mũthuri aheetwo ũigĩrĩrĩki ũrĩkũ?
Mũthuri agĩrĩirũo kũrũmĩrĩra kĩonereria kĩaũ?
Nĩkĩ mũthuri nĩ agĩrĩirũo kuonania atĩ nĩ endete mũtumia wake na atĩ nĩ ataũkagĩrũo nĩ mabataro make na ũrĩa araigua?
-
Ngerekano irĩ thĩinĩ wa Bibilia:
-
Kĩa 21:8-12—Jehova eerire Iburahimu athikĩrĩrie Sara mũtumia wake, o na gũtuĩka Iburahimu ndaakenetio nĩ mawoni ma Sara
-
Thi 31:10, 11, 16, 28—Mũthuri mũũgĩ ũrĩ na mũtumia ngatha nĩ aheaga mũtumia wake wĩyathi na ndamũcaragĩria mahĩtia; ningĩ nĩ amwĩhokete na nĩ amũgaathagĩrĩria
-
Ef 5:33—Mũtũmwo Paulo oonanirie atĩ mũtumia nĩ abataraga kũmenya atĩ mũthuri wake nĩ amwendete
-
Itemi rĩa mũtumia
Nĩ itemi rĩrĩkũ rĩa bata Jehova aheete atumia?
Hihi itemi rĩrĩa mũtumia aheetwo rĩonanagia atĩ ti wa bata?
-
Ngerekano irĩ thĩinĩ wa Bibilia:
-
Thi 1:8; 1Ko 7:4—Ngai nĩ aheete atumia wathani wa gĩkĩro kĩna thĩinĩ wa famĩlĩ
-
1Ko 11:3—Mũtũmwo Paulo oonanirie atĩ ithuothe tũkoragwo rungu rwa ũnene mũna, o tiga Ngai Mwene-Hinya-Wothe
-
Ahi 13:7, 17—Thĩinĩ wa kĩũngano, athuri na atumia nĩ magĩrĩirũo gwathĩkĩra arĩa matongoragia maũndũ na kũnyitanĩra nao
-
Mũtumia Mũkristiano ũhikĩtio nĩ mũndũ ũtarĩ mwĩtĩkia angĩka atĩa nĩguo akenie Jehova?
Mũtumia Mũkristiano agĩrĩirũo kũhe mũthuri wake gĩtĩo nĩkĩ?
-
Ngerekano ĩrĩ thĩinĩ wa Bibilia:
-
Kĩa 18:12; 1Pe 3:5, 6—Sara nĩ aahete Iburahimu gĩtĩo kĩnene na aamuonaga atariĩ ta “mwathi” wake
-
Nĩ mũtumia wa mũthemba ũrĩkũ ũgaathĩrĩirio thĩinĩ wa Bibilia?
-
Ngerekano irĩ thĩinĩ wa Bibilia:
-
Kĩa 24:62-67—Rebeka nĩ aateithirie mũthuriwe Isaaka kũigua ahooreirio thutha wa gũkuĩrũo nĩ nyina
-
1Sa 25:14-24, 32-38—Abigaili nĩ aahonokirie mũthuri wake ũrĩa warĩ mũkĩgu na akĩhonokia andũ a nyũmba yake na njĩra ya gũthaitha Daudi amaiguĩre tha
-
Es 4:6-17; 5:1-8; 7:1-6; 8:3-6—Esiteri nĩ aaingĩririe muoyo wake ũgwati-inĩ na njĩra ya gũthiĩ kũrĩ mũthamaki atetĩtwo nĩwe nĩguo agathaithanĩrĩre andũ a Ngai magitĩrũo
-
Kũhiũrania na mathĩna
Nĩ motaaro marĩkũ mangĩteithia arĩa mahikanĩtie kũhiũrania na mathĩna marĩa mangiumĩra kĩhiko-inĩ?
Nĩ motaaro marĩkũ mangĩteithia arĩa mahikanĩtie gũkorũo na mawoni maigananĩru megiĩ mbeca?
Lu 12:15; Afi 4:5; 1Ti 6:9, 10; Ahi 13:5
Ningĩ rora “Mbeca”
Nĩ motaaro marĩkũ mangĩteithia arĩa mahikanĩtie kũhiũrania na mathĩna marĩa mangiumĩra gatagatĩ-inĩ kao na aciari a mũthuri kana a mũtumia?
Nĩ motaaro marĩkũ mangĩteithia arĩa mahikanĩtie maũndũ-inĩ megiĩ ngomanio?
Nĩkĩ nĩ ũndũ wa bata harĩ mũndũ kũrora ngumo njega cia ũrĩa mahikanĩtie nake handũ ha kũrora o mahĩtia?
Nĩkĩ nĩ wega arĩa mahikanĩtie kũniina mathĩna o na ihenya na njĩra ya wendo handũ ha kũiganĩra muku kana gũikara marakaranĩire?
Nĩkĩ maũndũ ta marakara, kũgũthũka, irumi, na mbaara cia mĩthemba o yothe itiagĩrĩire harĩ Akristiano?
Rĩrĩa mũthuri na mũtumia maga kũiguithania-rĩ, muoroto wao erĩ wagĩrĩirũo gũkorũo ũrĩ ũrĩkũ?
Nĩ irathimo irĩkũ ciumanaga na gũtua Jehova mũthingi wa kĩhiko?
Ithimi ciĩgiĩ kĩhiko
Ithimi cia Jehova nĩ irĩkũ ciĩgiĩ ngomanio na kĩhiko?
Hihi Akristiano nĩ magĩrĩirũo kũhikania na makĩria ma mũndũ ũmwe ihinda-inĩ rĩmwe?
Tũmenyaga atĩa atĩ kĩhiko kĩagĩrĩirũo gũkorũo gatagatĩ-inĩ ka mũthuri na mũtumia?
Mũthuri na mũtumia magĩrĩirũo gũtũũrania hamwe nĩkĩ?
Bibilia yugaga nĩ ũndũ ũrĩkũ tu ũngĩtũma Akristiano mahikanĩtie matigane?
Jehova aiguaga atĩa igũrũ rĩgiĩ ndigano itarĩ na mũthingi mwega?
Rĩrĩa mũthuri kana mũtumia akua-rĩ, hihi ũrĩa watigwo no ahike kana ahikanie rĩngĩ?
Icunjĩ Ingĩ Hihi Ũngĩenda Gũthoma
ARAHŨKAI!
Famĩlĩ Iria Igaacĩrĩte—Kũnyitanĩra
Hihi ũrĩa mũhikanĩtie nake akoragwo ahaana o ta mũndũ mũraikarania nake tu?
KĨHIKO & FAMĨLĨ
Ũrĩa Ũngĩonania Wendo
Mũthuri na mũtumia mangĩonania atĩa atĩ nĩ marũmbũyanagia biũ? Wĩcirie ũhoro wa maũndũ mana mangĩka mehocetie harĩ motaaro ma Bibilia.
MŨRANGĨRI
Athuri—Rekei Atumia Anyu Maiguage Maiganĩire
Famĩlĩ no ĩkorũo ĩgacĩrĩte kĩĩmbeca no ĩkorũo ĩtagacĩrĩte na njĩra ĩngĩ ya bata.
ŨHORO WITŨ
Hoya Ũceererũo
Arĩrĩria ciũria cia Bibilia hamwe na mũndũ ũngĩ, kana wĩrute makĩria ũhoro wĩgiĩ Aira a Jehova.
