Biblia-rĩ, to ng’ano cia ma iria ciekĩkire mahinda ma tene ĩtũheaga, no ningĩ no ĩtwĩraga ũrĩa kũrĩkĩka ihinda rĩrĩa rĩũkĩte. Andũ matingĩhota gũtwĩra ũhoro wa ihinda rĩrĩa rĩũkĩte. Nĩkĩo gĩtũmi tũmenyaga atĩ Biblia yumanĩte na Ngai. Biblia yugaga atĩa ũhoro wĩgiĩ ihinda rĩrĩa rĩũkĩte?

Ĩtwĩraga ũhoro wa mbaara nene ya Ngai. Mbaara-inĩ ĩyo Ngai arĩthambia waganu wothe na andũ othe oru igũrũ rĩa thĩ, no ĩndĩ nĩ akagitĩra arĩa mamũtungatagĩra. Mũthamaki wa Ngai, Jesu Kristo, agatũma ndungata cia Ngai ikorũo na thayũ na gĩkeno, na gũtirĩ hĩndĩ igacoka kũrũara rĩngĩ kana gũkua.

Na githĩ tũtigũgĩkena mũno atĩ Ngai nĩarĩthondeka paradiso njerũ gũkũ thĩ, kana tiguo? No ningĩ no mũhaka twĩke ũndũ mũna angĩkorũo nĩ tũgatũũra thĩinĩ wa paradiso ĩno. Thĩinĩ wa rũgano rwa mũthia ibuku-inĩ rĩrĩ, nĩ tũkuona ũrĩa twagĩrĩirũo nĩ gwĩka nĩguo tũkenere maũndũ macio ma magegania marĩa Ngai aigĩire arĩa mamũtungatagĩra. Kwoguo thoma GĨCUNJĨ kĩa 8 wĩonere ũrĩa Biblia irathĩte ũhoro wa ihinda rĩrĩa rĩũkĩte.