RŨGANO RWA 115
Paradiso Njerũ Thĩinĩ wa Thĩ
CŨŨTHĨRĨRIA mĩtĩ ĩĩrĩa mĩraya, mahũa mathaka na irĩma ndaya. Na githĩ ti thaka mũno? Tarora ũrĩa thwara irarĩa kuuma guoko-inĩ gwa kahĩĩ. Na ningĩ takĩone mĩrũthi na mbarathi irũgamĩte kĩharo-inĩ. Githĩ to wende gũtũũra thĩinĩ wa nyũmba ĩrĩ kũndũ ta kũu?
Ngai eendaga wee ũtũũre tene na tene thĩinĩ wa thĩ ĩrĩ paradiso. Na ndeendaga wee ũgĩe na maũndũ marĩa matũmaga andũ marũmwo kana matuurũo ta ũrĩa kũrĩ ũmũthĩ. Gĩkĩ nĩkĩo kĩranĩro kĩa Biblia harĩ arĩa magatũũra thĩinĩ wa paradiso: ‘Ngai we mwene agĩage o hamwe nao e Ngai wao. O na gũtigakorũo na gĩkuũ rĩngĩ kana kĩrĩro kana ruo. Maũndũ marĩa ma mbere nĩ mathengu magathira.’
Jesu nĩ arĩona atĩ ũgarũrũku ũyũ wa magegania nĩ wahinga. Nĩ ũũĩ nĩrĩ? Ĩĩni, hĩndĩ arĩa agathambia waaganu wothe na andũ arĩa oru thĩinĩ wa thĩ. Ta ririkana, rĩrĩa Jesu aarĩ gũkũ thĩ nĩ aahonirie andũ mĩrimũ ya mĩthemba yothe, o na ningĩ akĩriũkia andũ. Jesu eekire ũguo nĩguo onanie ũrĩa ageka thĩ yothe rĩrĩa agatuĩka Mũthamaki wa ũthamaki wa Ngai.
Ta wĩcirie gũgakorũo arĩ ũndũ wa gũcanjamũra atĩa thĩinĩ wa paradiso ya thĩ njerũ! Jesu, hamwe na arĩa athurĩte magakorũo magĩthamaka kũũrĩa igũrũ. Aathani acio nĩ magacaĩrĩra andũ othe thĩinĩ wa thĩ na mone atĩ nĩ akenu. Ta tiga tũone ũrĩa twagĩrĩirũo nĩ gwĩka nĩguo tũkorũo tũrĩ na ma atĩ Ngai nĩ agatũhee muoyo wa tene na tene thĩinĩ wa paradiso yake njerũ.
Icunjĩ Ingĩ Hihi Ũngĩenda Gũthoma
MACOKIO MA CIŨRIA CIA BIBILIA
Nĩ Maũndũ Marĩkũ Ũthamaki wa Ngai Ũkahingia?
Wĩrute maũndũ marĩa ũngĩĩrĩgĩrĩra kuona rĩrĩa Ũthamaki wa Ngai ũgaathana thĩini wa thĩ.
