MATŨŨRA maingĩ ma Kanaani rĩu marethagathaga gũũkĩrĩra Isiraeli. Mareciria atĩ no mamahote. Ĩndĩ andũ a itũũra rĩa Gibeoni rĩa hakuhĩ matireciria ũguo. O metĩkĩtie atĩ Ngai nĩ arateithia Aisiraeli na matikwenda kũhũrana na Ngai. Nĩ ũũĩ ũrĩa Agibeoni meekire?

Maatuire meyonanie ta matũũraga kũndũ kũraya mũno. Rĩu amwe ao makĩhumba nguo ngũrũ na magĩkĩra iratũ ngũrũ irĩ na iraka. Magĩkuua makũnia makũrũ na ndigiri ciao, magĩkuua rĩĩgu wa mĩgate mĩgumu. Rĩu ningĩ magĩthiĩ kũrĩ Joshua makĩmwĩra atĩrĩ: ‘Tuumĩte bũrũri ũraihanĩrĩirie mũno na gũkũ, twoka nĩ ũndũ nĩtũiguĩte ngumo ya rĩĩtwa rĩa Jehova Ngai waku. Nĩ tũiguĩte maũndũ marĩa mothe ekire Misiri. Anene aitũ maatwĩrire tũkue rĩĩgu wa rũgendo tũũke tũmwĩre atĩrĩ: “Ithuĩ tũrĩ ndungata cianyu. Na rĩu gĩai kĩrĩkanĩro na ithuĩ.” No wone atĩ nguo ici ciitũ nĩ ikũrĩte nĩ ũndũ wa rũgendo kũraiha mũno o nayo mĩgate iitũ ĩkoma na ĩkagwatwo nĩ rũũĩ.’

Joshua na atongoria arĩa angĩ magĩgĩtĩkia Agibeoni. Na makĩĩhĩta atĩ matikamokĩrĩra. Mĩthenya ĩtatũ yaathira-rĩ, magĩcoka kũigua atĩ Agibeoni maakanĩtie o nao.

Joshua akĩmoria atĩrĩ, ‘Mwatũhenirie nĩkĩ, mũkiuga atĩ, Tũrĩ a kũraya mũno na kwanyu?’

Agibeoni magĩgĩcokeria Joshua ũũ: ‘Twekire ũguo tondũ nĩ twerirũo atĩ Jehova Ngai waku nĩ eranĩire atĩ nĩ akamũhee bũrũri ũyũ wothe wa Kanaani. Tũgĩgĩtigĩra atĩ mwahota gũtũũraga.’ Nao Aisiraeli makĩrũmia kĩrĩko kĩao, na matioragire Agibeoni. Handũ ha ũguo magĩkĩmatua ndungata ciao.

Mũthamaki wa Jerusalemu akĩrakara tondũ Agibeoni nĩ mathondekire thayũ na Aisiraeli. Na rĩu akĩĩra athamaki arĩa angĩ ana ũũ: ‘Ũkai mũndeithie kũrũa na Agibeoni.’ Ũguo nĩguo athamaki acio atano meekire. Rĩu-rĩ, Agibeoni maarĩ ara nĩ ũndũ wa gũthondeka thayũ na Isiraeli, ũndũ ũrĩa watũmire athamaki acio marũe nao? Nĩ tũkuona.