Rĩrĩa maarĩ ithamĩrio thĩinĩ wa Babuloni, Aisiraeli maarĩ na magerio maingĩ ma wĩtĩkio wao. Shadraka, Meshaka na Abedinego maikirio thĩinĩ wa icua rĩa mwaki mũnene mũno, no Ngai akĩmahonokia kuuma mwaki-inĩ ũcio. Ningĩ thutha ũcio, rĩrĩa Babuloni yaahotirũo nĩ Amedia na Aperesia, Danieli agĩikio irima-inĩ rĩa mĩrũthi, na ningĩ Ngai akĩmũgitĩra na njĩra ya kuhinga tũnua twa mĩrũthi.

Mũthia-inĩ, Kurusu mũthamaki wa Perisia akĩohora Aisiraeli. Magĩgĩcoka kwao mũciĩ rĩngĩ kuuma ithamĩrio kũu Babuloni thutha wa mĩaka 70. Ũndũ wa mbere gwĩka rĩrĩa maacokire Jerusalemu-rĩ, waarĩ kwambĩrĩria gwaka hekarũ ya Jehova. O na kũrĩ ũguo-rĩ, thũ ikĩrũgamia wĩra ũcio o narua. Na nĩ ũndũ ũcio hekarũ yarĩkire gwakwo mĩaka 22 thutha wao gũcoka Jerusalemu.

Rĩu ningĩ, twĩrutaga igũrũ rĩa rũgendo rwa Ezara agĩcoka Jerusalemu kũgemia hekarũ. Ũndũ ũcio wekĩkire mĩaka 47 thutha hekarũ kũrĩkio gwakwo. Rĩu ningĩ, mĩaka 13 thutha wa rũgendo rwa Ezara, Nehemia agĩteithĩrĩria gwaka rĩngĩ thingo cia Jerusalemu iria cia momokete. Gĩcunjĩ gĩa GATANO gĩkuĩĩte rũgano rwa mĩaka 152 nginya hĩndĩ ĩno.