ANYITANI ŨGENI Wĩra wa anyitani ũgeni nĩ gũgũteithĩrĩria. Tũgũkũũria wĩtĩkĩre ũtongoria wao na njĩra ya gwĩka ũrĩa marakwĩra igũrũ rĩgiĩ harĩa ũkũiga ngaari yaku, harĩa ũkũingĩrĩra kana kuumĩra, kũigĩra arĩa angĩ itĩ, na maũndũ mangĩ.

KŨBATITHIO Itĩ cia arĩa mekũbatithio igakorũo ing’ethanĩire na mwaria o tiga kũbangirũo ũndũ ũngĩ. Arĩa mekũbatithio magĩrĩirũo gũgakorũo maikarĩte thĩ hau, mbere ya mĩario ya kũbatithio kwambĩrĩria mũthenya wa Njuuma rũcinĩ. O mũndũ agĩrĩirũo gũka na taurũ na nguo ciagĩrĩire cia kũbatithio nacio.

MĨHOTHI Nĩ kũhũthĩkĩte mbeca nyingĩ nĩguo gũkorũo na itĩ cia kũigana, mũtambo wa gũkinyĩria andũ ũhoro, mĩtambo ya video, na maũndũ mangĩ maingĩ marĩa maratũhotithia gũkenera kĩgomano gĩkĩ nĩguo tũkuhĩrĩrie Jehova makĩria. Mĩhothi yaku ya kwĩyendera nĩ ĩteithagĩrĩria kũrĩhĩra maũndũ macio na ningĩ ĩgateithĩrĩria wĩra wa kũhunjia wa thĩ yothe. Kũrĩ na mathandũkũ ma mĩhothi maigĩtwo kũndũ kũingĩ kĩgomano-inĩ gĩkĩ nĩ ũndũ wa mũndũ ũngĩenda kũhotha. Mĩhothi yothe nĩ ĩkwamũkĩrũo na ngatho nyingĩ. Kĩama Kĩrĩa Gĩtongoragia nĩ kĩramũcokeria ngatho nĩ ũndũ wa kũruta mwĩyendeire nĩguo mũnyite mbaru maũndũ ma Ũthamaki.

ŨTEITHIO WA MBERE Ririkana atĩ ũteithio ũyũ nĩ wa gũteithĩrĩria o arĩa mangĩnyitwo nĩ ŨNDŨ ŨTERĨGĨRĨIRWO.

INDO IRIA CIŨRĨTE NA IKONEKA Indo ciothe ciũrĩte na ikoneka ciagĩrĩirũo gũtwarũo rũhonge-inĩ rwa Indo Iria Ciũrĩte na Ikoneka. Ũngĩkorũo harĩ kĩndũ gĩaku kĩũrĩte, thiĩ ũrore kana nĩ gĩtwarĩtwo rũhonge-inĩ rũu. Ciana iria ciũrĩte na itiramenya kũrĩa aciari marĩ, ciagĩrĩirũo gũtwarũo rũhonge-inĩ rũu. O na kũrĩ ũguo, nĩguo mũciari etheme mathĩna macio, menyerera ciana ciaku, na ũikare nacio.

KŨIGA ITĨ Tũgũkũũria wĩcirie ũhoro wa andũ arĩa angĩ. Ririkana atĩ andũ arĩa mũrathiĩ nao ngari ĩmwe, arĩa mũraikara nao, arĩa ũreruta nao Bibilia, kana andũ a hakuhĩ a famĩlĩ no o tu ũngĩigĩra gĩtĩ. Ndũkaigĩrĩre indo itĩ-inĩ angĩkorũo ti kũigĩra ũraigĩra andũ angĩ itĩ icio.

KWĨRUTĨRA Angĩkorũo nĩ ũrenda gũteithia wĩra o wothe thĩinĩ wa kĩgomano, tũgũkũria ũthiĩ harĩ Rũhonge rwa Ũhoro na Wĩra wa Kwĩrutĩra.

CUKURU YA AHUNJIA A ŨTHAMAKI Mapainia arĩa marĩ gatagatĩ ka mĩaka 23 nginya 65 arĩa mangĩenda kwandandũra ũtungata wao nĩ maranyitwo ũgeni mũcemanio-inĩ wa arĩa mangĩenda gũthiĩ Cukuru ya Ahunjia a Ũthamaki ũrĩa ũgeekwo mũthenya wa Kiumia thutha wa mĩaraho. Thaa na harĩa mũcemanio ũcio ũgeekĩrũo nĩ ikaamenyithanio.