GĨCUNJĨ GĨA 4
Maathikĩrĩirie Shaitani—Moimĩrĩro Maarĩ Marĩkũ?
Adamu na Hawa matiathĩkĩire Ngai, kwoguo magĩkua. Kĩambĩrĩria 3:6, 23
Hawa aathikĩrĩirie nyoka na akĩrĩa itunda rĩu. Thutha ũcio, akĩhe Adamu, nake akĩrĩa.
Ũndũ ũcio meekire warĩ mũũru—warĩ mehia. Ngai akĩmaingata mũciĩ ũcio wao warĩ Paradiso.
Ũtũũro ũkĩmaritũhĩra o hamwe na ciana ciao. Magĩkũra na magĩkua. Matiathiire kũndũ kũngĩ gũtũũra marĩ ciũmbe cia roho; nĩ gũthira maathirire biũ.
O ta ũrĩa rũkũngũ rũtarĩ muoyo, no taguo akuũ mahaana. Kĩambĩrĩria 3:19
Tũkuaga tondũ ithuothe tuumĩte kũrĩ Adamu na Hawa. Arĩa akuũ matingĩhota kuona kana kũigua kana gwĩka ũndũ o na ũrĩkũ.—Kohelethu 9:5, 10.
Jehova ndeendaga andũ makuage. Ica ikuhĩ nĩ ekũriũkia arĩa makomete gĩkuũ-inĩ. Angĩkorũo nĩ makaamũthikĩrĩria, nĩ magaatũũra tene na tene.
