GĨCUNJĨ GĨA 2
Ngai Ũrĩa wa Ma Nũũ?
Kũrĩ Ngai o ũmwe tu wa ma, na rĩĩtwa rĩake nĩ Jehova. (Thaburi 83:18) Ngai nĩ Roho; tũtingĩhota kũmuona. Nĩ atwendete na nĩ endaga o na ithuĩ tũmwende. Ningĩ nĩ endaga twende andũ arĩa angĩ. (Mathayo 22:35-40) Nĩwe Ũrĩa Mũnene Makĩria, Mũũmbi wa indo ciothe.
Kĩũmbe kĩa mbere kĩrĩa Ngai oombire kĩarĩ kĩũmbe kĩa roho kĩrĩ hinya kĩrĩa gĩacokire gwĩtwo Jesu Kristo. Jehova ningĩ nĩ oombire araika.
Jehova nĩwe wombire indo ciothe iria irĩ igũrũ . . . na thĩinĩ wa thĩ. Kũguũrĩrio 4:11
Jehova Ngai nĩwe wombire njata, o na thĩ, na indo iria ciothe irĩ kuo.—Kĩambĩrĩria 1:1.
Oombire Adamu, mũndũ ũrĩa wa mbere, kuuma rũkũngũ-inĩ rwa thĩ.—Kĩambĩrĩria 2:7.
Icunjĩ Ingĩ Hihi Ũngĩenda Gũthoma
MORUTANI MA BATA MA BIBILIA
Ngai Hihi nĩ Arĩ Rĩĩtwa?
Ngai nĩ arĩ marĩĩtwa maingĩ ma ũnene, ta Mwene Hinya Wothe, Mũũmbi, na Mwathani. No rĩĩtwa rĩa Ngai rĩhũthĩrĩtwo makĩria ma maita 7,000 Bibilia-inĩ.
