GĨCUNJĨ GĨA 3
Ũtũũro Wahaanaga Atĩa Thĩinĩ wa Paradiso?
Jehova aaheire Adamu na Hawa indo nyingĩ njega. Kĩambĩrĩria 1:28
Jehova oombire mũtumia wa mbere, Hawa, na akĩmũtwara kũrĩ Adamu atuĩke mũtumia wake.—Kĩambĩrĩria 2:21, 22.
Jehova aamombire marĩ na meciria makinyanĩru na mĩĩrĩ mĩkinyanĩru, matarĩ na wathe o wothe.
Mũciĩ wao ũrĩa warĩ Paradiso warĩ mũgũnda wa Edeni—kũndũ kwarĩ gũthaka mũno, kwarĩ na rũũĩ na mĩtĩ ya matunda na nyamũ.
Jehova nĩ aaragia nao; nĩ aamarutaga. Mangĩamũthikĩrĩirie, mangĩatũũrire tene na tene thĩinĩ wa Paradiso gũkũ thĩ.
Ngai ooigĩte matikarĩe matunda ma mũtĩ ũmwe. Kĩambĩrĩria 2:16, 17
Jehova oonirie Adamu na Hawa mũtĩ ũmwe wa matunda thĩinĩ wa mũgũnda ũcio na akĩmeera atĩ mangĩarĩire matunda maguo, nĩ mangĩakuire.
Mũraika ũmwe nĩ aaremeire Ngai. Mũraika ũcio mũũru nĩ Shaitani ũrĩa Mũcukani.
Shaitani ndeendaga Adamu na Hawa maathĩkĩre Jehova. Kwoguo akĩhũthĩra nyoka kwĩra Hawa atĩ angĩarĩire itunda rĩa mũtĩ ũcio, ndangĩakuire, no angĩatuĩkire ta Ngai. Hatarĩ nganja macio maarĩ maheeni.—Kĩambĩrĩria 3:1-5.
