GĨCIGO GĨA 3
Ithimi Cia Ũthamaki—Gũcaria Ũthingu wa Ngai
TA WĨCIRIE ũndũ ũyũ: Mũthenya ũmwe ũkiuma mũciĩ, ũkageithia mũndũ ũrĩa mũriganĩtie nake. Nĩ wonete atĩ nĩ akoretwo agĩkũbaara mũno hamwe na famĩlĩ yanyu. Akageithĩka agacoka agagwĩta. Agakwĩra ũũ: “Ngũũrie kĩũria? Nĩ kĩĩ gĩtũmaga mũkorũo mũrĩ ngũrani na andũ arĩa angĩ?” Nawe ũkamũũria atĩrĩ: “Ũrenda kuuga atĩa?” Agagũcokeria ũũ: “Na githĩ inyuĩ mũtirĩ Aira a Jehova? Mũtihaana ta andũ arĩa angĩ. Maũndũ manyu matihaana ta ma ndini iria ingĩ tondũ mũtikũngũyagĩra thigũkũ, mũtiĩingĩragia ũteti-inĩ kana mbaara-inĩ. Ningĩ mũtinyuaga thigara. Na famĩlĩ yanyu yonekaga ĩrĩ na mĩtugo mĩega mũno. Nĩ kĩĩ gĩtũmaga mũkorũo mũrĩ ngũrani na njĩra nyingĩ ũguo?”
Nĩ ũũĩ wega macokio ma kĩũria kĩu: Ithuĩ tũkoragwo tũrĩ rungu rwa wathani wa Ũthamaki wa Ngai. Jesu arĩ we Mũthamaki, aikaraga agĩtũtheragia. Nĩ atũteithagia kũrũmĩrĩra makinya make, nĩ ũndũ ũcio tũgakorũo tũrĩ ngũrani na andũ a thĩ ĩno njũru. Thĩinĩ wa gĩcigo gĩkĩ, nĩ tũkuona ũrĩa Mũthamaki wa Kĩĩmesia akoretwo agĩtheria andũ a Ngai kĩĩroho, kĩĩmĩtugo, na mĩĩkĩre-inĩ yao ya maũndũ nĩguo Jehova agoocithio.
GĨCHUNJĨ-INĨ GĨKĨ
GĨCUNJĨ GĨA 10
Ũrĩa Mũthamaki Atheretie Arũmĩrĩri Ake Kĩĩroho
Nĩ ũndũ ũrĩkũ ũhaanaine harĩ Krismasi na mũtharaba?
GĨCUNJĨ GĨA 11
Gũtherio Kĩĩmĩtugo—Kuonanagia Ũtheru wa Ngai
Tũnyũmba twa arangĩri na tũcĩra twa gũtonya twa hekarũ ĩrĩa Ezekieli onire kĩoneki-inĩ tũkoretwo tũkĩonania ũndũ wa bata harĩ andũ a Ngai kuuma mwaka wa 1914.
GĨCUNJĨ GĨA 12
Mabangĩtwo Nĩguo Matungatĩre “Ngai Mwene Thayũ”
Bibilia yonanagia atĩ mũgarũ wa ngũĩ nĩ thayũ no ti kũgĩa mĩbango. Nĩkĩ? Na macokio ma kĩũria kĩu mahutagia atĩa Akristiano ũmũthĩ?
