GĨCIGO GĨA 2
Kũhunjia ũhoro wa Ũthamaki—Gũtheremia Ũhoro Mwega Thĩinĩ wa Thĩ Yothe
TA WĨCIRIE ũũkĩrĩte rũcinĩ rũmwe mũthenya ũrĩa ũrĩ rũtha na ũkambĩrĩria kwĩharĩria nĩguo ũthiĩ ũtungata. Ũkaigua ũkĩgonderera nĩ ũndũ wa mĩnoga. Ũkerirĩria kũhurũka rũcinĩ rũu! No ũkahoya Jehova igũrũ rĩgiĩ ũndũ ũcio na ũgatua itua rĩa gũthiĩ ũtungata. Mũkahunjia na mwarĩ wa Ithe witũ mũkũrũ ũkoretwo arĩ mwĩhokeku, na ũgekĩrũo ngoro mũno nĩ ciĩko ciake njega na ũkirĩrĩria wake. Mũkĩhunjia nyũmba kwa nyũmba, ũkaririkana atĩ aarĩ na ariũ a Ithe witũ thĩinĩ wa thĩ yothe, makoragwo makĩmemerekia ndũmĩrĩri o ĩyo, makahũthĩra mabuku o macio ũrahũthĩra, na tũkoragwo tũmenyeretio na njĩra o ĩmwe. Ũgĩkinya mũciĩ, ũgakorũo wĩkĩrĩtwo hinya. Ũgakena mũno nĩ gũtua itua rĩa kwaga gũtinda mũciĩ.
Mahinda-inĩ maya, wĩra ũrĩa wa bata makĩria harĩ Ũthamaki wa Ngai nĩ wa kũhunjia. Jesu nĩ aarathĩte atĩ wĩra wa kũhunjia nĩ ũngĩagĩire na moimĩrĩro ma kũgegania matukũ-inĩ ma kũrigĩrĩria. (Mat. 24:14) Ũrathi ũcio wake ũhingĩte na njĩra ĩrĩkũ? Gĩcigo-inĩ gĩkĩ, tũgũthuthuria ũhoro wĩgiĩ andũ, njĩra, na indo iria ikoretwo irĩ cia bata ũtungata-inĩ, na ikahotithia andũ milioni nyingĩ thĩinĩ wa thĩ gũtaũkĩrũo nĩ Ũthamaki wa Ngai.
GĨCHUNJĨ-INĨ GĨKĨ
GĨCUNJĨ GĨA 6
Andũ Arĩa Mahunjagia—Ahunjia Merutagĩra Meyendeirey
Nĩ kĩĩ gĩatũmaga Jesu akorũo na ma atĩ nĩ angĩgaakorũo na arũmĩrĩri a kwĩyendera matukũ-inĩ ma kũrigĩrĩria? Ũngĩonania atĩa atĩ nĩ ũracaria Ũthamaki mbere?
GĨCUNJĨ KĨA 7
Njĩra Cia Kũhunjia—Kũhũthĩra Njĩra o Yothe Gũkinyĩra Andũ
Rora wone njĩra njerũ iria andũ a Ngai mahũthĩrĩte gũkinyĩria andũ aingĩ o ũrĩa kũngĩhoteka ũhoro mwega mũico ũtanakinya.
GĨCUNJĨ GĨA 8
Indo cia Kũhũthĩra Kũhunjia—Gũcaba Mabuku nĩ Ũndũ wa Andũ Othe
Wĩra witũ wa ũtaũri wonanagia atĩa atĩ nĩ tũnyitĩtwo mbaru nĩ Jesu? Nĩ maũndũ marĩkũ megiĩ mabuku maitũ matũmaga wone atĩ Ũthamaki nĩ ũrathana?
GĨCUNJĨ GĨA 9
Moimĩrĩro ma Kũhunjia—‘Mĩgũnda Rĩu nĩ Yerũhĩte Ĩgethwo’
Jesu aarutire arutwo ake maũndũ merĩ ma bata megiĩ wĩra mũnene wa kũgetha na njĩra ya kĩĩroho. Maũndũ macio matũhutagia atĩa ũmũthĩ?
