Nĩ tũiguaga ũhoro mũingĩ wĩgiĩ kĩrĩa gĩtũmaga famĩlĩ ciage kũgaacĩra. No hihi nĩ kĩĩ gĩteithagia famĩlĩ iria igaacagĩra?

• Gatagatĩ-inĩ ka mĩaka ya 1990 nginya 2015, ndigano thĩinĩ wa Amerika (US) nĩ ciongererekire na maita merĩ harĩ andũ arĩa maarĩ na makĩria ma mĩaka 50, na ikĩongerereka na maita matatũ harĩ arĩa maarĩ na makĩria ma mĩaka 65.

• Aciari nĩ matukanagĩrũo tondũ athomi amwe moigaga atĩ nĩ wega gũikaraga ũkĩgaathagĩrĩria ciana hingo ciothe, nao angĩ makoiga atĩ nĩ wega gũcionia wendo ũgĩcirũngaga.

• Andũ ethĩ maragimara matarĩ na ũũgĩ ũrĩa ũngĩmateithia kũgaacĩra marĩ andũ agima.

O na kũrĩ ũguo, ũhoro wa ma nĩ atĩ . . .

• Kĩhiko no gĩkorũo na gĩkeno na gĩkorũo kĩrĩ gĩa gũtũũra.

• Aciari no merute kũrũnga ciana ciao na njĩra ya wendo.

• Andũ ethĩ no magĩe na ũũgĩ ũrĩa ũngĩmateithia kũgaacĩra matuĩka andũ agima.

Na njĩra ĩrĩkũ? Ngathĩti ĩno ya Arahũkai! nĩ ĩkwarĩrĩria maũndũ 12 marĩa mangĩteithia famĩlĩ igaacĩre.