Kwĩ na Kĩĩrĩgĩrĩro Kĩrĩkũ Harĩ Arĩa Makuĩte?
Gũtirĩ mũndũ ũtahutagio nĩ gĩkuũ. No hihi gĩkuũ nĩkĩo mũthia wa maũndũ mothe? Hihi andũ arĩa makuĩte nĩ mariganĩire biũ? Kwĩ na kĩĩrĩgĩrĩro o gĩothe harĩ arĩa makuĩte?
RORA WONE ŨRĨA BIBILIA YUGAGA:
ANDŨ ARĨA MAKUĨTE MATIRIGANĨIRE
‘Arĩa othe marĩ thĩinĩ wa mbĩrĩra nĩ makoima kuo.’—Johana 5:28, 29.
Ngai nĩ aririkanaga andũ arĩa makuĩte, arĩa aigĩte kĩririkano-inĩ gĩake nĩ makaariũkio.
ANDŨ NĨ MAKAARIŨKIO GŨKŨ THĨ
“Nĩ gũkaariũkio andũ arĩa athingu na arĩa matarĩ athingu.”—Atũmwo 24:15.
Andũ bilioni nyingĩ nĩ makaariũkio marĩ na kĩĩrĩgĩrĩro gĩa gũtũũra na thayũ tene na tene.
KĨRĨA KĨNGĨTŨMA TWĨTĨKIE ANDŨ NĨ MAKAARIŨKIO
“[Ngai] nĩ ataraga mũigana wa njata; ciothe aciĩtaga na marĩĩtwa.”—Thaburi 147:4.
Angĩkorũo Ngai nĩ ahotaga gwĩta njata ciothe na marĩĩtwa, ũgaakorũo ũrĩ ũndũ mũhũthũ harĩ we kũririkana andũ arĩa akaariũkia.
