Mũthenya ũmwe, mwarĩ wa Ithe witũ ũmwe kuuma New Zealand nĩ eeroreire video ya ‘Rũmbũyanagiai,’ ĩrĩa yonanagia atĩ Jehova to ũcayanĩri akoragwo naguo, no ningĩ nĩ awonanagia. (Isa. 63:7-9) Nĩ aatuire itua rĩa gwĩka kũringana na ũrĩa eerutire na njĩra ya gũcaria mĩeke ya gũteithia andũ arĩa angĩ. Thutha-inĩ mũthenya o ro ũcio athiĩte thoko kũgũra indo, nĩ aakorire mũtumia ũtaarĩ na gwa gũikara na akĩmũũria kana no amũgũrĩre irio. Mũtumia ũcio nĩ eetĩkĩrire. Rĩrĩa mwarĩ wa Ithe witũ ũcio aamũreheire irio, nĩ ooire kamweke kau kũmũhunjĩria akĩhũthĩra trakti ya Hihi Mĩnyamaro nĩ Ĩgaathira?

Mũtumia ũcio no kwambĩrĩria aambĩrĩirie kũrĩra. Aaugire atĩ aarereirũo famĩlĩ-inĩ ya Aira a Jehova no nĩ aatiganire na ũhoro wa ma mĩaka mĩingĩ mĩhĩtũku. No ica ikuhĩ nĩ akoretwo akĩhoya Jehova amũteithie kũmũcokerera. Mwarĩ wa Ithe witũ nĩ aaheire mũtumia ũcio Bibilia na makĩbanga ũrĩa marĩĩrutaga Bibilia nake. a

No twĩgerekanie na Jehova harĩ gũcaĩra andũ, ta andũ aitũ a famĩlĩ na aarĩ na ariũ a Ithe witũ thĩinĩ wa kĩũngano. Ningĩ no tuonanie ũcayanĩri na njĩra ya gwetha mĩeke ya kũhunjĩria andũ arĩa angĩ.