Nĩ ũkoragwo ũrĩ ũndũ mũritũ harĩ aingĩ aitũ kũririkana maũndũ marĩa tweruta. No nĩ hakoragwo harĩ hahũthũ kũririkana maũndũ maingĩ marĩa Jesu aarutanire, tondũ kaingĩ aahũthagĩra ngerekano. Ngerekano icio nĩ itũteithagia kũhũũra mbica meciria-inĩ, na ũndũ ũcio ũgatũteithia kũririkana maũndũ marĩa aarutanire. O nawe no ũhote kũririkanaga maũndũ marĩa ũreruta na njĩra ya kũhũũra mbica cia kĩrĩa ũrathoma. No wĩke ũguo na njĩra ya gũcoraga mbica cia maũndũ marĩa ũrathoma.

Andũ arĩa macoraga mbica cia maũndũ merũ marĩa mareruta, kaingĩ nĩ maririkanaga kĩrĩa mathoma. Gũcora mbica nĩ kũmateithagia gũtaũkĩrũo nĩ ciugo o hamwe na maũndũ manene marĩa meruta. To nginya tũkorũo na kĩheo gĩa ũcori, ĩndĩ tũrabatara o gũcora mbica hũthũ itarĩ na maũndũ maingĩ. Nĩ kuonekete atĩ andũ arĩa maikangĩtie mĩaka nĩ magunĩkaga makĩria nĩ njĩra ĩyo.

Hĩndĩ ya wĩruti waku ũrĩa ũrũmĩrĩire, no ũgerie gũcora mbica cia maũndũ marĩa ũreruta. No ũmake kuona ũrĩa ũkũririkana maũndũ maingĩ!