Hihi no wende kũgunĩkaga biũ kuumana na wĩruti waku kĩũmbe? Maũndũ maya no magũteithie nĩguo meciria maku makorũo makindĩirie ũgĩthoma:

• Thuura handũ harĩa hagĩrĩire. Caria handũ hatheru na harĩ na ũtheri wa kũigana nĩguo ũhote gũthoma wega. No ũikare gĩtĩ-inĩ kana metha-inĩ ya gũthomera, kana ũcarie handũ hahooreru nja.

• Caria handũ ũngĩkorũo ũrĩ wiki. Kaingĩ Jesu aahoyaga “rũcinĩ tene” arĩ “kũndũ gũtaarĩ na andũ.” (Mar. 1:35) Angĩkorũo gũtingĩhoteka ũkorũo ũrĩ wiki, menyithia andũ anyu a famĩlĩ kana arĩa mũikaraga nao ihinda rĩrĩa ũbangĩte gũthoma nĩguo matigagũthumbũre.

• Wĩtheme maũndũ mangĩkũhĩngĩca. Angĩkorũo ũrahũthĩra thimũ kana tableti yaku gũthoma, mĩhorie ũndũ ndũmĩrĩri itekũhota kũingĩra nĩguo itigakũhĩngĩce. Na ũngĩririkana ũndũ ũrabatara gwĩka rĩrĩa ũrathoma, no ũwandĩke handũ ũrĩwĩka thutha-inĩ. Angĩkorũo ndũrahota kũiga meciria harĩ kĩrĩa ũrathoma, no wambe ũhurũke hanini kana ũnogore magũrũ.