Hihi rĩmwe nĩ wĩkoraga ũtekũririkana maũndũ marĩa wakorũo wathoma? Ithuothe nĩ twĩkoraga ũndũ-inĩ ta ũcio rĩmwe na rĩmwe. Hihi nĩ kĩĩ kĩngĩtũteithia? Nĩ gũcokagĩra maũndũ marĩa manene.

Ũkĩĩruta, tithagia mahinda kwa mahinda na ũgecũrania maũndũ manene marĩa weruta. Mũtũmwo Paulo aahũthĩrire ciugo ici gũteithia arĩa aandĩkagĩra marũa make kuona maũndũ marĩa manene marũa-inĩ macio: “Rĩu-rĩ, ũyũ nĩguo ũndũ ũrĩa wa bata makĩria.” (Ahib. 8:1) Na njĩra ĩyo, akĩmateithia gũtwarana na ũhoro ũrĩa aamaheaga na magĩtaũkĩrũo nĩ ũrĩa o ũndũ wakonainie na ũhoro ũrĩa mũnene aaragĩrĩria.

Thutha wa kwĩruta, no ũhũthagĩre ndagĩka ta ikũmi gwĩcũrania maũndũ marĩa manene weruta. Angĩkorũo ndũramaririkana wega, rora ciongo nini kana ũthome sentensi ya mbere harĩ o kĩbungo nĩguo wĩririkanie. Angĩkorũo nĩ harĩ ũndũ mwerũ weruta, geria kũũtaarĩria na ciugo ciaku. Gũcokera maũndũ marĩa manene nĩ kũrĩgũteithagia kũririkana ũhoro ũrĩa wathoma na kuona wega ũrĩa ũngĩũhũthĩra ũtũũro-inĩ waku.