Aciari nĩ makoragwo na ũigĩrĩrĩki mũnene wa kũruta ciana ciao ũhoro wĩgiĩ Jehova. (Ef. 6:4) Ithondeka rĩa Jehova nĩ rĩrutĩte indo cia mĩthemba ĩtiganĩte cia gũteithia aciari gwĩka ũguo. Ũngĩhũthĩra indo icio atĩa kũruta ciana ciaku?

• Rora indo iria irutĩtwo. Thĩinĩ wa JW.ORG nĩ gũkoragwo na indo iria ciothe ihaarĩirio nĩ ũndũ wa andũ ethĩ, ta video na fomu mũndũ angĩcora kana andĩke kaũndũ. a Nĩguo wone indo icio, andĩka kiugo “Ciana” kana “Andũ Ethĩ” gathandũkũ-inĩ ga gwetha ũhoro.

• Thuura kĩrĩa mwana waku arabatara. Ũngĩthiĩ gĩcunjĩ-inĩ gĩa “Ciana” no wone indo iria iragĩrĩra mwana waku. Nĩguo wone indo imwe ta icio, etha ciugo “Maũndũ ma Gwĩka Hĩndĩ ya Ũthathaiya wa Famĩlĩ.”

• Hũthĩra mahinda na mwana waku. Ndũkerage mwana waku erorere video kana aiyũrie tũmĩthaako twa mbica atĩ nogetha tu agĩe na kaũndũ areka. Handũ ha ũguo, arĩrĩriai indo icio hamwe nake nĩgetha ũmũteithie gũkũria ũrata hamwe na Jehova.