ŨRĨA TŨNGĨTOORIA RŨMENA
2 | Ndũkerĩhagĩrie
Ũrutani wa Bibilia:
“Mũtikanarĩhe ũũru na ũũru harĩ mũndũ o na ũrĩkũ. . . . Kũngĩhoteka, ĩkagai o ũrĩa wothe mũngĩhota mũkoragwo na thayũ hamwe na andũ othe. . . . Mũtikanerĩhĩrie, . . . tondũ nĩ kwandĩke ũũ: ‘“Kũrĩhanĩria nĩ gwakwa; nĩ niĩ ngaarĩhanĩria,” ũguo nĩguo Jehova ekuuga.’”—AROMA 12:17-19.
Ũguo nĩ Kuuga Atĩa?
O na gũtuĩka nĩ ũndũ wa ndũire kũrakara rĩrĩa twahĩtĩrio, Ngai ndendaga twĩrĩhĩrie. Handũ ha ũguo, atwĩraga tũkorũo na wetereri, tondũ ica ikuhĩ nĩ ekũrũnga maũndũ mothe.—Thaburi 37:7, 10.
Ũrĩa Ũngĩka:
Rĩrĩa andũ matarĩ akinyanĩru merĩhĩria, ũndũ ũcio ũtũmaga rũmena rũthereme. Kwoguo mũndũ angĩkũhĩtĩria kana agwĩke ũũru, ndũkerĩhĩrie. Geria kwĩgirĩrĩria, na wĩke maũndũ na njĩra ya thayũ. Rĩmwe na rĩmwe, no akorũo arĩ wega kwaga gũtindanĩra na ũndũ ũcio. (Thimo 19:11) O na kũrĩ ũguo, maũndũ-inĩ mamwe, no wone kwagĩrĩire gũcaria ũteithio. Kwa ngerekano, angĩkorũo nĩ wĩkĩtwo ũndũ mũũru ta wa wĩki-naĩ, no ũthuure kũmenyithia borithi kana anene angĩ a thirikari.
Kwĩrĩhĩria no gũtuurithia gũtuurithagia mũndũ
Ĩ hihi kũngĩaga njĩra ya thayũ ya kũniina thĩna ũcio? Kana hihi ũkorũo nĩ wĩkĩte o ũrĩa wothe ũngĩhota kũniina thĩna ũcio no ũkaringa ihiga. Ndũkerĩhĩrie. Gwĩka ũguo no gũthũkia gũgũthũkia maũndũ makĩria. Geria gwĩka ũrĩa wothe ũngĩhota nĩguo ũgirĩrĩrie rũmena rũtigathereme. Wĩrute kwĩhoka atĩ Ngai nĩ arĩniina thĩna ũcio na njĩra yake. Bibilia yugaga: “Mwĩhokage, nake nĩ arĩgũteithagia.”—Thaburi 37:3-5.
Icunjĩ Ingĩ Hihi Ũngĩenda Gũthoma
BIBILIA NĨ ĨGARŨRAGA MĨTŨŨRĨRE YA ANDŨ
Nĩ Ndendaga Kũrũa na Wagi wa Kĩhooto
Rafika aaingĩrire gĩkundi-inĩ gĩa gũcaria ũgarũrũku nĩguo arũe na wagi wa kĩhooto mĩikarĩre-inĩ ya andũ. No akĩona kĩĩranĩro kĩa Bibilia gĩa thayũ na kĩhooto rungu rwa Ũthamaki wa Ngai.
