MŨRANGĨRI RIUMA RĨA WĨRUTI Juni 2020
Ngathĩti ĩno ĩrĩ na icunjĩ cia wĩruti cia kuuma Agosti 3-30, 2020.
“Rĩĩtwa Rĩaku nĩ Rĩtherio”
Gĩcunjĩ kĩa Wĩruti kĩa 23: Agosti 3-9, 2020. Nĩ ũndũ ũrĩkũ wa bata ũhutagia andũ o hamwe na araika? Nĩ kĩĩ gĩtũmaga ũndũ ũcio ũkorũo ũrĩ wa bata mũno, na ithuĩ tũkoragwo na itemi rĩrĩkũ harĩ ũndũ ũcio? Gũtaũkĩrũo nĩ macokio megiĩ ciũria icio na iria ingĩ ihutanĩtie na ũndũ ũcio nĩ gũgũtũteithia gwĩkĩra hinya ũrata witũ na Jehova.
“He Ngoro Ĩtagayũkanĩte Nĩguo Ndĩtigagĩre Rĩĩtwa Rĩaku”
Gĩcunjĩ kĩa Wĩruti kĩa 24: Agosti 10-16, 2020. Thĩinĩ wa gĩcunjĩ gĩkĩ, tũkwarĩrĩria ũndũ Daudi aagwetire thĩinĩ wa ihoya rĩake rĩrĩa rĩandĩkĩtwo thĩinĩ wa Thaburi 86:11, 12. Gwĩtigĩra rĩĩtwa rĩa Jehova nĩ kuuga atĩa? Twagĩrĩirũo gwĩtigĩra rĩĩtwa rĩu inene nĩkĩ? Na gwĩtigĩra Ngai kũngĩtũteithia atĩa rĩrĩa tũragerio twĩke ũndũ ũtagĩrĩire?
Ciũria Kuuma Kũrĩ Athomi
Hihi ngumo iria cionanĩtio thĩinĩ wa Agalatia 5:22, 23, nocio tu ngumo iria ciumanaga na “maciaro ma roho”?
“Niĩ Mwene nĩ Ngaacaria Ng’ondu Ciakwa”
Gĩcunjĩ kĩa Wĩruti kĩa 25: Agosti 17-23, 2020. Nĩ kĩĩ gĩtũmaga andũ amwe manatungatĩra Jehova marĩ na wĩhokeku kwa ihinda rĩa mĩaka mĩingĩ matige kũnyitanĩra na kĩũngano gĩake? Hihi Ngai amonaga atĩa? Gĩcunjĩ gĩkĩ nĩ gĩgũcokia ciũria icio. Ningĩ nĩ gĩkwarĩrĩria maũndũ marĩa tũngĩĩruta kuumana na ũrĩa Jehova aateithirie andũ amwe mahinda-inĩ ma Bibilia arĩa maamwehereire kwa ihinda.
“Njokererai”
Gĩcunjĩ kĩa Wĩruti kĩa 26: Agosti 24-30, 2020. Jehova endaga arĩa matigĩte kũnyitanĩra na kĩũngano mamũcokerere. No tũkorũo na itemi harĩ gwĩkĩra ngoro andũ arĩa marenda kwamũkĩra rĩĩtana rĩa Jehova rĩrĩa oigĩte: “Njokererai.” Gĩcunjĩ-inĩ gĩkĩ nĩ tũkwarĩrĩria ũrĩa tũngĩmateithia kũmũcokerera.
