MŨRANGĨRI RIUMA RĨA WĨRUTI Mĩĩ 2020
Ngathĩti ĩno ĩrĩ na icunjĩ cia wĩruti cia kuuma Julaĩ 6–Agosti 2, 2020.
“Mũthamaki wa Mwena wa Rũgongo” Ihinda-inĩ rĩa Mũthia
Gĩcunjĩ kĩa wĩruti gĩa 19: Julaĩ 6-12, 2020. Ũira nĩ ũronania atĩ ũrathi wa Danieli wĩgiĩ “mũthamaki wa mwena wa rũgongo” na “mũthamaki wa mwena wa mũhuro” no ũrathiĩ na mbere kũhinga. Tũngĩkorũo na ma biũ na ũndũ ũcio nĩkĩ? Na tũrabatara gũtaũkĩrũo nĩ maũndũ matiganĩte megiĩ ũrathi ũcio nĩkĩ?
Athamaki Erĩ Mataraiguithania Ihinda-inĩ rĩa Mũthia
Ũrathi wĩgiĩ “mũthamaki wa mwena wa rũgongo” na “mũthamaki wa mwena wa mũhuro” nĩ ũngĩgeekĩka ihinda-inĩ rĩmwe na morathi mangĩ. Morathi macio maronania atĩa atĩ mũtabarĩre ũyũ wa maũndũ wĩ hakuhĩ gũthira?
Nũũ “Mũthamaki wa Mwena wa Rũgongo” Mahinda-inĩ Maya?
Gĩcunjĩ kĩa Wĩruti kĩa 20: Julaĩ 13-19, 2020. Nũũ “mũthamaki wa mwena wa rũgongo” mahinda-inĩ maya, na agaakinya mũthia atĩa? Kũmenya macokio ma ciũria icio no gwĩkĩre hinya wĩtĩkio witũ na gũtũteithie kwĩhaarĩria nĩ ũndũ wa magerio marĩa tũgũcemania namo mahinda marĩa maroka.
Hihi nĩ Ũcokagia Ngatho nĩ Ũndũ wa Iheo Iria Ngai Akũheete?
Gĩcunjĩ kĩa wĩruti kĩa 21: Julaĩ 20-26, 2020. Gĩcunjĩ gĩkĩ gĩgũtũteithia gũcokagĩria Jehova ngatho nĩ ũndũ wa iheo ithatũ iria atũheete. Ningĩ nĩ gĩgũtũteithia kuona ũrĩa tũngĩteithia andũ arĩa mekagĩrĩra nganja kana Ngai arĩ kuo.
Onanagia Ngatho nĩ Ũndũ wa Iheo Iria Itonekaga
Gĩcunjĩ kĩa Wĩruti kĩa 22: Julaĩ 27–Agosti 2, 2020. Thĩinĩ wa gĩcunjĩ kĩhĩtũku, nĩ tũrarĩrĩirie iheo cigana ũna kuuma kũrĩ Ngai iria cionekaga na maitho. Gĩcunjĩ-inĩ gĩkĩ tũkwarĩrĩria iheo iria tũtangĩona na maitho na tuone ũrĩa tũngĩonania ngatho citũ nĩ ũndũ wacio. Ningĩ nĩ gĩgũtũteithia kuongerera ngatho citũ kũrĩ Mũheani wa indo icio cia goro, Jehova Ngai.
