MŨRANGĨRI RIUMA RĨA WĨRUTI Septemba 2017
Ngathĩti ĩno ĩrĩ na icunjĩ cia wĩruti cia Oktomba 23 nginya Novemba 26, 2017.
Kũria Ngumo ya Kwĩgirĩrĩria
Ngerekano cia Bibilia ingĩtũteithia atĩa gũkũria na kuonania ngumo ĩyo? Akristiano magĩrĩirũo gũkũria ngumo ĩyo nĩkĩ?
Wĩgerekanie na Ũcayanĩri wa Jehova
Hĩndĩ ĩmwe Jehova nĩ eeguũririe harĩ Musa na njĩra ya kũmũmenyithia rĩĩtwa rĩake na ngumo ciake. Ngumo ya mbere ĩrĩa Ngai aagwetire nĩ ũcayanĩri. Ũcayanĩri nĩ kĩĩ, na wagĩrĩire gũtũkenia nĩkĩ?
RŨGANO RWA ŨTŨŨRO
Nĩ Ngĩte na Kĩrathimo gĩa Kũrutithania Wĩra na Arũme a Kĩĩroho
David Sinclair nĩ aririkanaga gĩkeno na gĩtĩo kĩrĩa agĩte nakĩo nĩ ũndũ wa kũrutithania wĩra na aarĩ na ariũ a Ithe witũ ehokeku kwa ihinda rĩa mĩaka 61 ĩrĩa akoretwo Betheli ya Brooklyn.
‘Kiugo kĩa Ngai Witũ Gĩtũũraga Tene na Tene’
Bibilia nĩ ibuku rĩgũragwo mũno ona gũtuĩka yandĩkirũo mĩaka magana maingĩ mĩthiru, na nĩ ĩtiirĩtie mogarũrũku ma thiomi, maũndũ ma gĩũteti, na ũkararia harĩ ũtaũri wayo.
“Kiugo kĩa Ngai . . . Nĩ Kĩrĩ Hinya”
Andũ aingĩ nĩ mekĩte mogarũrũku manene nĩ ũndũ wa kwĩruta Kiugo kĩa Ngai. Nĩ kĩĩ kĩbataranagia nĩguo Kiugo kĩa Ngai kĩrute wĩra thĩinĩ witũ na njĩra ta ĩyo?
‘Gĩa na Ũmĩrĩru Naguo Wĩra Ũcio Ũũrute’
Tũbataraga ũmĩrĩru nĩkĩ, na tũngĩgĩa naguo atĩa?
