ĨĨ NĨ maahũthagĩrũo rĩmwe. Ta wĩcirie ngerekano ĩmwe. Gũcokerithia Maathani 24:14, 15 yugaga: “Ndũkanahinyĩrĩrie ndungata ya mũcara ĩrĩa thĩni na ĩgakĩara, o na ĩngĩkorũo nĩ ĩmwe ya ariũ a ithe wanyu, kana ya andũ a kũngĩ . . . o kũu bũrũri waku; . . . nĩ getha ndĩkae gũkaĩra Jehova, naguo ũndũ ũcio wonwo ũrĩ wĩhia harĩ wee.”

Nĩ kũrĩ marũa ma kuonania ihoya rĩa ũndũ ta ũcio ma karine ya mũgwanja mbere ya Kristo. Moonirũo hakuhĩ na Ashidodi. No kũhoteke ũndũ ũcio waandĩkirũo nĩ mũrĩmi ũmwe ũtahotire gũtwara gĩthimi kĩna kĩa ngano. Ũhoro ũcio waandĩkĩtwo gĩcere-inĩ kĩa rĩũmba uugaga ũũ: “Thutha wa ndungata ĩmwe gũtwara magetha mayo thikũ cigana ũna thiru, Hoshayahu mũrũ wa Shobay nĩ arokire na aroya nguo ya ndungata yaku. . . . Arĩa othe tũragethaga nao tũgĩcinagwo nĩ riũa no marute ũira . . . atĩ ndĩraria ũhoro wa ma. Gũtirĩ ihĩtia o na rĩmwe njĩkĩte. . . . Angĩkorũo ngavana ndarona ũrĩ wĩra wake gwĩtia nguo ya ndungata yake, reke eke ũguo nĩ ũndũ wa kũringwo nĩ tha! Ndwagĩrĩirũo kwaga kuoya ikinya rĩrĩa ndungata yaku ĩtunyĩtwo nguo.”

Mwandĩki ũmwe wa maũndũ ma tene wĩtagwo Simon Schama oigire atĩ ihooya rĩu “rĩratũhe ũhoro mũingĩ makĩria ma o gũkorũo atĩ ndungata ĩyo nĩ yeendaga ĩcokerio nguo yayo. Ningĩ nĩ rĩratũmenyithia atĩ ndungata ĩyo nĩ yoĩ watho wa Bibilia makĩria ũrĩa ũrĩ thĩinĩ wa ibuku rĩa Maũndũ ma Alawii na rĩa Gũcokerithia Maathani wĩgiĩ kwaga kũhinyĩrĩria athĩni.”