1, 2. Nĩ ũndũ ũrĩkũ ũgatũrehe hamwe na njĩra ya mwanya mwaka-inĩ wa 2018, na nĩkĩ? (Rora mbica kĩambĩrĩria-inĩ gĩa gĩcunjĩ gĩkĩ.)

KŨRĨ Machi 31, 2018, riũa rĩgĩthũa, ndungata cia Ngai na andũ arĩa makenagio nĩ ũhoro wa ma nĩ magacemania nĩguo makũngũĩre Kĩririkano kĩa o mwaka kĩa Irio cia Hwaĩ-inĩ cia Mwathani. Thutha wa riũa gũthũa, andũ milioni nyingĩ nĩ magacemania nĩguo maririkane gĩkuũ kĩa Jesu. O mwaka, kĩririkano nĩguo ũndũ ũrĩa ũtũnyitithanagia na njĩra ya mwanya mũno thĩinĩ wa thĩ yothe.

² No tũgerie kũhũũra mbica ũrĩa Jehova na Jesu makenaga mona andũ milioni nyingĩ thĩinĩ wa thĩ magĩthiĩ Kĩririkano mũthenya ũcio. Bibilia yarathĩte atĩ “kĩrĩndĩ kĩnene kĩa andũ, arĩa gũtarĩ mũndũ ũngĩahotire kũmatara, kuuma ndũrĩrĩ ciothe, na mĩhĩrĩga, na iruka, na thiomi,” nĩ mangĩkanĩrĩra moige ũũ: “Ũhonokio uumaga kũrĩ Ngai witũ, o ũcio ũikarĩire gĩtĩ kĩa ũnene, na kũrĩ Gatũrũme.” (Kũg. 7:9, 10) Na githĩ ti ũndũ wa gwĩkĩra ngoro kuona ũrĩa Jehova na Jesu monagio gĩtĩo na njĩra ya gũkũngũĩra Kĩririkano!

3. Gĩcunjĩ gĩkĩ gĩgũcokia ciũria irĩkũ?

 ³ Gĩcunjĩ gĩkĩ nĩ gĩgũcokia ciũria imwe ciĩyumĩrĩtie. (1) Tũngĩĩharĩria atĩa nĩ ũndũ wa Kĩririkano na tũgunĩke nĩkĩo? (2) Nĩ na njĩra irikũ Kĩririkano gĩteithagia ndungata cia Ngai ikorũo na ũrũmwe? (3) O ũmwe witũ angĩtũma kũgĩe na ũrũmwe atĩa? (4) Nĩ gũgakorũo na Kĩririkano kĩa mũico? Angĩkorũo nĩguo-rĩ, gĩgeekwo rĩ?

4. Nĩkĩ nĩ twagĩrĩire gũthiĩ Kĩririkano tiga kuumĩrire ũndũ ũngĩtũma tũremwo biũ?

⁴ Wĩcũranie ũguni ũrĩa uumanaga na gũthiĩ Kĩririkano. Ririkana atĩ mĩcemanio ĩkoragwo ĩrĩ gĩcunjĩ kĩa ũthathaiya witũ. Hatarĩ nganja, Jehova na Jesu nĩ makenagio nĩ andũ arĩa mekaga ũrĩa wothe mangĩhota nĩguo mathiĩ Kĩririkano. No twende mone atĩ nĩ tũgũkorũo Kĩririkano-inĩ, tiga kuumĩrire ũndũ mũnene ũngĩtũma tũremwo biũ nĩ gũthiĩ. Tuonania na ciĩko citũ atĩ mĩcemanio itũ nĩ ya bata harĩ ithuĩ, nĩ tũheaga Jehova gĩtũmi kĩngĩ gĩa kũiga rĩĩtwa ritũ thĩinĩ wa ‘ibuku rĩa gũtũma tũririkanagwo’ kana “ibuku rĩa muoyo” rĩrĩa rĩrĩ na marĩĩtwa ma arĩa makaheo muoyo wa tene na tene.—Mal. 3:16; Kũg. 20:15.

5. ‘Tũngĩĩgeria atĩa kana tũrĩ na wĩtĩkio’ thikũ nini mbere ya Kĩririkano?

⁵ Thikũ nini mbere ya Kĩririkano, no twethe mahinda ma kũhoya na gwĩcũrania ũrĩa ũrata witũ na Jehova ũhaana. (Thoma 2 Akorintho 13:5.) Tũngĩhota atĩa gwĩka ũguo? Nĩ na njĩra ya ‘gũikaraga tũkĩĩgeragia kana tũrĩ na wĩtĩkio.’ Nĩguo tũhote gwĩka ũguo no twĩyũrie: ‘Hihi nĩ njĩtĩkĩtie atĩ rĩrĩ no rĩo tu ithondeka rĩrĩa Jehova arahũthĩra kũhingia wendi wake? Hihi nĩ ndĩreka ũrĩa wothe ingĩhota nĩguo hunjĩrie andũ na ndĩmarute ũhoro ũrĩa mwega wa Ũthamaki? Hihi ciĩko ciakwa nĩ cionanagia atĩ nĩ njĩtĩkĩtie biũ maya nĩ matukũ ma kũrigĩrĩria na atĩ wathani wa Shaitani ũrĩ hakuhĩ kũniinwo? Hihi ndĩ na wĩtĩkio mũrũmu harĩ Jehova na Jesu o ta ũrĩa ndarĩ naguo hĩndĩ ĩrĩa ndeyamũragĩra Jehova Ngai?’ (Mat. 24:14; 2 Tim. 3:1; Ahib. 3:14) Gwĩcũrania macokio ma ciũria icio nĩ kũrĩtũteithagia kũmenya ũrĩa tũtariĩ.

6. (a) Nĩ kĩĩ kĩngĩtũteithia nĩguo tũkona muoyo wa tene na tene? (b) Mũthuri ũmwe wa kĩũngano ehaaragĩria atĩa nĩ ũndũ wa Kĩririkano o mwaka, na ũngĩhota atĩa gwĩka take?

⁶ Thoma na wĩcũranie mabuku marĩ na ũhoro uumĩte Bibilia-inĩ marĩa maronania bata wa Kĩririkano. (Thoma Johana 3:16; 17:3.) Nĩguo mũndũ akona muoyo wa tene na tene arabatara ‘amenye’ Jehova na ‘onanie wĩtĩkio’ harĩ Jesu, ũrĩa nĩwe Mũrũ wake wa mũmwe. Nĩguo wĩhaarĩrie nĩ ũndũ wa Kĩririkano, etha maũndũ ũngĩĩruta marĩa mangĩgũteithia ũkuhĩrĩrie Jehova na Jesu makĩria. Ta wĩcirie ũndũ mũthuri ũmwe wa kĩũngano ũtungatĩte kwa ihinda iraya akoretwo agĩka. Kwa ihinda rĩa mĩaka mĩingĩ, nĩ akoretwo agĩcokanĩrĩria icunjĩ cia ngathĩti ya Mũrangĩri iria ciaragĩrĩria Kĩririkano na wendo ũrĩa Jehova na Jesu matuonetie. Ciumia iria irĩ mbere ya Kĩririkano, nĩ acithomaga na agecũrania bata wa Kĩririkano. Mahinda mangĩ nĩ ongagĩrĩra gĩcunjĩ kĩmwe kana igĩrĩ harĩ iria arĩ nacio. Nĩ onete atĩ nĩ ũndũ wa gũthoma icunjĩ icio rĩngĩ, na nĩ ũndũ wa gũthoma na gwĩcũrania Ũthomi wa Bibilia wa Kĩririkano, nĩ erutaga maũndũ merũ o mwaka. Makĩria ma ũguo, wendo wake harĩ Jehova na Jesu nĩ wongererekaga o mwaka. Wĩruti ta ũcio no ũgũteithie ũgĩe na wendo makĩria na ngatho harĩ Jehova na Jesu, na ũndũ ũcio ũgũteithie ũgunĩke biũ nĩ Kĩririkano.

7. (a) Nĩ ũndũ ũrĩkũ Jesu aahoire mũthenya wa Kĩririkano kĩa mbere? (b) Nĩ kĩĩ kĩronania atĩ Jehova nĩ acoketie mahoya ma Jesu?

⁷ Ũtukũ ũrĩa Kĩririkano kĩa mbere gĩekirũo, Jesu nĩ aahoire atĩ arũmĩrĩri ake makorũo na ũrũmwe ta ũrĩa we na Ithe makoragwo naguo. (Thoma Johana 17:20, 21.) Jehova nĩ acoketie mahoya macio ma Jesu, na rĩu andũ milioni nyingĩ nĩ metĩkĩtie atĩ nĩwe watũmĩte Mũriũ wake. Gũkĩra mũcemanio ũngĩ o wothe, Kĩririkano nĩ kĩonanagia atĩ Aira a Jehova nĩ marĩ ũrũmwe. Andũ kuuma mabũrũri na mĩhĩrĩga ĩtiganĩte nĩ macemanagia hamwe kũndũ gũtiganĩte thĩinĩ wa thĩ yothe. Kũndũ kũmwe ti ũndũ wa ndũire kuona andũ ta acio macemanĩtie nĩ ũndũ wa ũthathaiya. No ũrũmwe ta ũcio nĩ ũkenagia Jehova na Jesu.

8. Nĩ ndũmĩrĩri ĩrĩkũ Jehova aaheire Ezekieli?

⁸ Tũrĩ ndungata cia Jehova, tũtigegagio nĩ ũrũmwe ũrĩa tũkoragwo naguo. Ũhoro wa ma nĩ atĩ, Jehova nĩ aarathĩte ũndũ ũcio. Ta wĩcirie ũhoro wa ndũmĩrĩri ĩno aaheete mũnabii Ezekieli igũrũ rĩgiĩ kũnyitithanio gwa tũthanju twĩrĩ, “ka Juda” na “ka Jusufu.” (Thoma Ezekieli 37:15-17.) Gĩcunjĩ gĩa Ciũria Kuuma Kũrĩ Athomi kĩrĩa gĩacabĩtwo thĩinĩ wa Mũrangĩri wa Julaĩ 2016 gĩataarĩirie ũũ: “Jehova aaheire Ezekieli ndũmĩrĩri yonanagia atĩ rũrĩrĩ rwa Isiraeli nĩ rũngĩagĩire na ũrũmwe thutha wa gũcoka Bũrũri wa Kĩĩranĩro. Ningĩ ndũmĩrĩri ĩyo no yonanagia ũrũmwe ũrĩa andũ a Ngai magĩte naguo matukũ-inĩ maya ma mũico.”

9. Tuonaga ũrathi wa Ezekieli ũkĩhinga atĩa hĩndĩ ya Kĩririkano o mwaka?

⁹ Kuuma mwaka wa 1919, Jehova nĩ aabangire rĩngĩ arĩa aitĩrĩrie maguta o kahora, arĩa na njĩra ya mũhaano maatariĩ ta gathanju “ka Juda,” na agĩtũma makorũo na ũrũmwe rĩngĩ. Thutha-inĩ, o ũrĩa arĩa marĩ na kĩĩrĩgĩrĩro gĩa gũtũũra gũkũ thĩ kana gathanju “ka Jusufu” maanyitanĩire na arĩa aitĩrĩrie maguta, ikundi icio cierĩ nĩ ciatuĩkire “rũũru rũmwe.” (Joh. 10:16; Zek. 8:23) Jehova nĩ eeranĩire atĩ nĩ angĩanyitithanirie tũthanju tũu twerĩ na tũtuĩke gathanju kamwe guoko-inĩ gwake. (Ezek. 37:19) Rĩu ikundi icio cierĩ itungataga hamwe rungu rwa Mũthamaki ũrĩa ũtũũgĩrĩtio, Jesu Kristo, na nowe wĩtĩtwo “Daudi ndungata yakwa” na njĩra ya ũrathi. (Ezek. 37:24, 25) Ũrũmwe wa goro ũrĩa ũtaarĩirio nĩ Ezekieli nĩ wonekaga o mwaka tondũ “ng’ondu ingĩ” na aitĩrĩrie maguta arĩa matigarĩte nĩ macemanagia nĩ ũndũ wa Kĩririkano gĩa gĩkuũ kĩa Jesu. O na kũrĩ ũguo-rĩ, o ũmwe witũ angĩka atĩa nĩguo atũũrie na athingate ũrũmwe ũcio?

10. Tũngĩtũma atĩa kũgĩe na ũrũmwe gatagatĩ-inĩ ka ndungata cia Ngai?

¹⁰ Njĩra ĩmwe tũngĩhũthĩra nĩguo tũtũme kũgĩe na ũrũmwe harĩ ndungata cia Ngai nĩ gũkũria wĩnyihia. Rĩrĩa Jesu aarĩ gũkũ thĩ, eerire arutwo makoragwo marĩ enyihia. (Mat. 23:12) Tũngĩkoragwo tũrĩ enyihia kuuma ngoro, nĩ tũrĩĩthemaga mwerekera wa gwĩtũgĩria ũrĩa ũkoragwo thĩinĩ wa thĩ. Wĩnyihia witũ nĩ ũrĩtũteithagia gwathĩkĩra arĩa matongoragia, na roho ta ũcio nĩ wa bata tondũ no ũtũme kũgĩe na ũrũmwe thĩinĩ wa kĩũngano. Makĩria ma ũguo, wĩnyihia witũ nĩ ũrĩkenagia Ngai tondũ nĩ “areganaga na arĩa etĩi, no nĩ aheaga arĩa enyihia ũtugi mũnene.”—1 Pet. 5:5.

11. Gwĩcũrania igũrũ rĩgiĩ kĩrĩa mũgate na ndibei irũgamĩrĩire kũngĩtũteithia atĩa tũtũme kũgĩe na ũrũmwe?

¹¹ Njĩra ya kerĩ ĩrĩa tũngĩhũthĩra nĩguo tũtũme  kũgĩe na ũrũmwe nĩ gwĩcũrania kĩrĩa kĩrũgamĩrĩirũo nĩ mũgate na ndibei iria ihũthagĩrũo Kĩririkano-inĩ. Ĩka ũguo mbere ya Kĩririkano gĩkĩtwo, na makĩria mũthenya ũrĩa gĩgeekwo. (1 Kor. 11:23-25) Mũgate ũrũgamagĩrĩra mwĩrĩ wa Jesu ũtarĩ na mehia ũrĩa aarutire ũrĩ igongona, nayo ndibei ĩkarũgamĩrĩra thakame yake ĩrĩa yaitirũo. No nĩ twagĩrĩirũo gũtaũkĩrũo makĩria nĩ kĩrĩa kĩrũgamĩrĩirũo nĩ mũgate na ndibei. Ririkana atĩ igongona rĩa Kristo rĩahutĩtie maũndũ merĩ manene megiĩ wendo, na nĩmo; wendo ũrĩa Jehova onanirie nĩ ũndũ wa kũruta Mũrũ wake, na wendo ũrĩa Jesu onanirie nĩ ũndũ wa gwĩtĩkĩra kũruta muoyo wake nĩ ũndũ witũ. Gwĩcũrania ũhoro wa wendo ũcio no gũtũme tũmende. Wendo ũrĩa tũkoragwo naguo harĩ Jehova nĩ ta rũrigi rũtuohithanagia na rũgatũma ũrũmwe witũ ũgĩe na hinya.

12. Thĩinĩ wa ngerekano ya mũthamaki ũrĩa watuithanagia cira-rĩ, Jesu onanirie atĩa atĩ Jehova nĩ endaga tuohanĩre?

¹² Njĩra ya gatatũ ĩrĩa ĩngĩtũma kũgĩe na ũrũmwe, nĩ kuohera andũ arĩa angĩ twĩyendeire. Rĩrĩa tuohera andũ arĩa matũhĩtĩirie, tuonanagia atĩ tũrĩ na ngatho nĩ ũndũ wa kuoherũo mehia maitũ kũgerera igongona rĩa Kristo. Wĩcirie ũhoro wa ngerekano ĩmwe ya Jesu ĩrĩa ĩrĩ thĩinĩ wa Mathayo 18:23-34. Wĩyũrie ũũ: ‘Hihi nĩ ndĩhaarĩirie gwĩka ũrĩa Jesu aarutanire? Hihi nĩ nyonanagia ũkirĩrĩria na ũtaũku harĩ aarĩ na ariũ a Ithe witũ? Hihi nĩ ndĩhaarĩirie kuohera arĩa mahĩtĩirie?’ Ũhoro wa ma nĩ atĩ, nĩ kũrĩ mehia mamwe maritũ andũ matarĩ akinyanĩru matangĩhota kuohanĩra. O na kũrĩ ũguo, ngerekano ĩno nĩ ĩratũruta ũrĩa Jehova endaga twĩke. (Thoma Mathayo 18:35.) Jesu onanirie wega atĩ Jehova ndangĩtuohera angĩkorũo tũtikuohera aarĩ na ariũ Ithe witũ o na rĩrĩa harĩ na mũthingi wa kũmohera. Na githĩ ũcio ti ũndũ twagĩrĩire kuoya na ũritũ! Nĩ tũgitagĩra ũrũmwe witũ wa goro na tũkaũtũũria rĩrĩa tuohera andũ arĩa angĩ o ta ũrĩa Jesu aatũrutire twĩkage.

13. Nĩ na njĩra ĩrĩkũ tũtũmaga kũgĩe na ũrũmwe rĩrĩa twacaria thayũ na arĩa angĩ?

¹³ Rĩrĩa tuohera andũ arĩa angĩ tuonanagia atĩ nĩ twendete thayũ. Ririkana ũtaaro ũrĩa mũtũmwo Paulo aaheanire, atĩ twagĩrĩirũo ‘kwĩrutanagĩria biũ gũtũũria  ũrũmwe wa roho thĩinĩ wa thayũ ũrĩa ũtũnyitithanagia.’ (Ef. 4:3) Ihinda-inĩ rĩrĩ rĩa Kĩririkano na makĩria mũthenya ũcio, wĩcirie na njĩra ndikĩru ũrĩa ũngĩohera andũ arĩa angĩ. Wĩyũrie ũũ: ‘Hihi nĩ nyonagia arĩa mahĩtĩria atĩ ndikaraga ndĩmarakarĩire? Hihi nĩ njũĩkaine atĩ nĩ ngeragia gũcaria thayũ na ũrũmwe?’ Icio nĩ ciũria njega twagĩrĩirũo kwĩyũria hĩndĩ ĩno ya Kĩririkano.

14. Tũngĩonania atĩa atĩ nĩ ‘tũkiranagĩrĩria o mũndũ na ũrĩa ũngĩ tũrĩ na wendo’?

¹⁴ Njĩra ya kana ĩrĩa tũngĩhũthĩra nĩguo tũtũme kũgĩe na ũrũmwe nĩ kwĩgerekania na Jehova, tondũ nĩ Ngai wĩ wendo. (1 Joh. 4:8) Tũtingĩenda kuuga ũũ kwerekera ndungata iria ingĩ cia Ngai, “No ndĩmende, no to mũhaka mangenie”! Mwĩcirĩrie ta ũcio nĩ ngũrani na ũtaaro wa mũtũmwo Paulo rĩrĩa oigire atĩ twagĩrĩirũo ‘gũkiranagĩrĩria o mũndũ na ũrĩa ũngĩ tũrĩ na wendo.’ (Ef. 4:2) Rora wone atĩ ndoigire twagĩrĩirũo o ‘gũkiranagĩrĩria.’ Oigire twagĩrĩirũo gwĩka ũguo na njĩra ya “wendo.” Maũndũ macio merĩ nĩ ngũrani. Thĩinĩ wa ciũngano citũ nĩ kũrĩ andũ a mĩthemba yothe arĩa Jehova agucĩrĩirie harĩ we. (Joh. 6:44) Tondũ Jehova nĩ aamagucĩrĩirie harĩ we, no mũhaka akorũo nĩ amendete. Kwoguo, nĩ kĩĩ kĩngĩtũma tũtue atĩ tũtiagĩrĩirũo kuonia aarĩ na ariũ a Ithe witũ wendo? Tũtiagĩrĩirũo kũmaima wendo ũrĩa Jehova atwathĩte tuonanagie!—1 Joh. 4:20, 21.

15. Tũmenyaga atĩa atĩ nĩ gũgakorũo na Kĩririkano kĩa mũico?

¹⁵ Mũthenya ũmwe nĩ gũgekwo Kĩririkano kĩa mũico. Tũmenyaga ũguo atĩa? Marũa-inĩ ma Paulo ma mbere kũrĩ Akorintho, aandĩkĩire Akristiano aitĩrĩrie maguta atĩ rĩrĩa maririkana gĩkuũ kĩa Jesu o mwaka nĩ ‘mathiaga na mbere kũmemerekia ũhoro wa gĩkuũ kĩa Mwathani, o nginya rĩrĩa agooka.’ (1 Kor. 11:26) Kiugo “agooka” kĩonanagia ‘gũka’ kũrĩa Jesu aagwetire thĩinĩ wa ũrathi wake wĩgiĩ matukũ ma mũico. Akĩaria ũhoro wa thĩna ũrĩa mũnene wĩ mbere itũ oigire ũũ: “Thutha ũcio kĩmenyithia kĩa Mũrũ wa mũndũ nĩ gĩkooneka igũrũ, ningĩ iruka ciothe cia thĩ nĩ ikeehũũra gĩthũri nĩ ũndũ wa gũcakaya na nĩ ikoona Mũrũ wa mũndũ agĩũka arĩ thĩinĩ wa matu arĩ na hinya na riri mũnene. Nake [Jesu] nĩ agaatũma araika ake na mũgambo mũnene wa karumbeta, nao nĩ magaacokanĩrĩria andũ ake arĩa athuure kuuma mĩena yothe ĩna ya thĩ, kuuma gĩturi kĩmwe nginya kĩrĩa kĩngĩ.” (Mat. 24:29-31) ‘Gũcokanĩrĩria andũ ake arĩa athuure’ nĩ kuuga hĩndĩ ĩrĩa arĩa othe aitĩrĩirie maguta arĩa marĩ gũkũ thĩ makamũkĩra ngerenwa yao kũrĩa igũrũ. Ũndũ ũcio ũgekĩka thutha wa thĩna ũrĩa mũnene kwambĩrĩria no nĩ mbere ya mbaara ya Hari–Magedoni yambĩrĩirie. Thutha ũcio arĩa 144,000 nĩ makanyitanĩra na Jesu kũniina athamaki othe a thĩ. (Kũg. 17:12-14) Kĩririkano kĩrĩa gĩgeekwo mbere ya arĩa aitĩrĩrie maguta macokanĩrĩirio nĩguo mathiĩ igũrũ, nĩkĩo gĩgakorũo kĩrĩ Kĩririkano kĩa mũico tondũ Jesu nĩ agakorũo ‘okĩte.’

16. Ũtuĩte itua rĩa gũgaathiĩ Kĩririkano kĩa mwaka ũyũ nĩkĩ?

¹⁶ Ithuothe nĩ tũtuei itua rĩa gũkagunĩka na njĩra ya gũthiĩ Kĩririkano Machi 31, 2018. Na tũhoe Jehova atũteithie tũtũũrie ũrũmwe gatagatĩ-inĩ ka andũ ake! (Thoma Thaburi 133:1.) Ririkana atĩ, mũthenya ũmwe nĩ tũgeka Kĩririkano kĩa mũico. No ihinda-inĩ rĩrĩ, rekei twĩke ũrĩa wothe tũngĩhota nĩguo tũgakorũo Kĩririkano-inĩ na tuonage ũrũmwe ũrĩa tũgĩaga naguo hĩndĩ ya Kĩririkano ũrĩ wa bata.