Angĩkorũo nĩ harĩ ũndũ ũngĩ mangĩekire nĩguo meetheme ũndũ ũcio kamĩtĩ ya ciira nĩ yagĩrĩirũo gũthondekwo tondũ ũcio nĩ ũndũ ũngĩhũthĩka ũrĩ ũira wa ngomanio ĩtaagĩrĩire.—1 Kor. 6:18.

Kĩama gĩa athuri nĩ kĩagĩrĩirũo gũthuthuria o ũndũ wega nĩguo kĩone kana kamĩtĩ ya ciira nĩ ĩrabatara gũthondekwo. Kwa ngerekano, Hihi andũ acio nĩ matumĩte ndũgũ? Hihi nĩ marĩ maheo ũtaaro nĩ athuri wĩgiĩ maũndũ marĩa mekanaga? Nĩ maũndũ marĩkũ maatũmire makinyĩrĩre kũraara nyũmba ĩmwe? Hihi nĩ kũbanga maabangĩte kabere? Hihi nĩ harĩ ũndũ ũngĩ mangĩekire metheme ũndũ ũcio? Hihi nĩ ũndũ ũterĩgĩrĩirũo wahaanĩkire, kana nĩ ũndũ woimĩrire hinahi ũgĩtũma makorũo hatirĩ ũndũ ũngĩ mangĩekire tiga kũraara nyũmba ĩmwe? (Koh. 9:11) O mũndũ aakomire ha? O ũndũ nĩ ngũrani na ũrĩa ũngĩ na kwoguo no hakorũo na maũndũ mangĩ athuri magĩrĩirũo kũrora.

Thutha wa kũmenya maũndũ mothe, nĩrĩo kĩama gĩa athuri kĩngĩtua kana ũndũ ũcio nĩ wagĩrĩirũo gũthondekerũo kamĩtĩ ya ciira.