Ũrĩa Athuri Mamenyeragia Ariũ a Ithe Witũ Arĩa Angĩ
“Maũndũ marĩa ũiguĩte na niĩ, maigage kũrĩ andũ ehokeku.”
1. (a) Kuuma o tene nĩ ũndũ ũrĩkũ ndungata cia Jehova ciĩyoneire wĩgiĩ kũmenyeria arĩa angĩ, na ũndũ ũcio nĩ wa bata nĩkĩ ũmũthĩ? (b) Nĩ maũndũ marĩkũ tũkwarĩrĩria gĩcunjĩ-inĩ gĩkĩ?
KUUMA o tene, ndungata cia Jehova nĩ ikoretwo ikĩona ũrĩa kũmenyeria andũ arĩa angĩ gũkoragwo na moimĩrĩro mega. Kwa ngerekano, nĩguo akahonokie Loti, Aburamu aahũthĩrire ‘andũ ake arĩa megithĩtio kana maamenyeretio mbaara,’ na makĩhootana. (Kĩam. 14:
TEITHIA ARIŨ A ITHE WITŨ MAKŨRE KĨĨROHO
2. Mũthuri angĩka atĩa mbere ya kwambĩrĩria kũmenyeria mũrũ wa Ithe witũ, na nĩkĩ?
2 Mũthuri wa kĩũngano no agerekanio na mũrĩmi. Mbere ya kũhanda, mũrĩmi no abatare gwĩkĩra mũgũnda wake thumu kana
3. (a) Mũthuri angĩhũthĩra atĩa Mariko 12:
3 Nĩguo ũmenye ma cia Bibilia ihutĩtie mwĩcirĩrie na ciĩko cia mũrũ wa Ithe witũ na gĩkĩro kĩrĩkũ, no ũmũrie ũũ: ‘Gũkorũo wĩyamũrĩire Jehova gũtũmĩte wĩke mogarũrũku marĩkũ harĩ ũrĩa ũhũthagĩra ũtũũro waku?’ Kĩũria kĩu no gĩtũme mũgĩe na ndeereti njega ĩgiĩ ũrĩa tũngĩtungatĩra Jehova na ngoro yothe. (Thoma Mariko 12:
4. (a) Heana ngerekano irĩ thĩinĩ wa Bibilia iria ingĩteithia mũrũ wa Ithe witũ gũkũria ngumo cia kĩĩroho. (b) Athuri makoragwo na muoroto ũrĩkũ rĩrĩa maramenyeria arĩa angĩ?
4 Ũkĩambĩrĩria kũmenyeria mũrũ wa Ithe witũ, nĩ wega kwarĩrĩria ngerekano imwe iria irĩ Bibilia-inĩ iria ingĩmũteithia one bata wa gũkũria ngumo ya kwĩyendera, wĩhokeku, na wĩnyihia. (1 Ath. 19:
MATEITHIE KWĨIGĨRA MĨOROTO NA ŨMAHE ITŨMI
5. (a) Kwarĩrĩria ũhoro wa mĩoroto ya kĩĩroho na mũrũ wa Ithe witũ nĩ kwa bata nĩkĩ? (b) Athuri magĩrĩirũo kũmenyeria ariũ a Ithe witũ arĩa anini nĩkĩ? (Rora kohoro ka magũrũ-inĩ.)
5 No ũrie mũrũ wa Ithe witũ ũũ: ‘Wĩigĩire mĩoroto ĩrĩkũ ya kĩĩroho?’ Angĩkorũo gũtirĩ muoroto eigĩire, mũteithie kwĩigĩra muoroto mũna ũrĩa angĩhota gũkinyĩra. Mwĩre ũhoro wa muoroto mũna wa kĩĩroho weigĩire, na ũmũtaarĩrie ũcanjamũkĩte ũrĩa wagĩire na gĩkeno rĩrĩa wahotire kũũkinyĩra. O na gũtuĩka ũcio no woneke ta ũtarĩ ũndũ mũnene, nĩ ũkoragwo na moimĩrĩro mega. Painia ũmwe wĩtagwo Victor na nĩ mũthuri wa kĩũngano thĩinĩ wa Afrika, oigire ũũ: “Rĩrĩa ndaarĩ kamwana kanini, mũthuri ũmwe wa kĩũngano nĩ aanjũririe ciũria cigana ũna ũhoro-inĩ wĩgiĩ mĩoroto yakwa. Ciũria icio nĩ ciandeithirie gwĩciria na ũritũ ũhoro wa ũtungata wakwa.” Athuri arĩa marĩ ũmenyeru ningĩ nĩ moigaga atĩ harĩ bata mũno kwambĩrĩria kũmenyeria ariũ a Ithe witũ kuuma marĩ o anini
Taarĩria mũndũ bata wa gwĩka ũndũ mũna, na ũmũcokerie ngatho nĩ ũndũ wa kwĩrutanĩria kũwĩka (Rora kĩbungo kĩa 5-8)
6. Nĩ ũndũ ũrĩkũ wa bata Jesu eekaga akĩmenyeria arĩa angĩ?
6 Ningĩ no ũteithie mũrũ wa Ithe witũ Mat. 28:
7, 8. (a) Athuri mangĩĩgerekania atĩa na njĩra ya Jesu ya kũmenyeria andũ? (b) Gũcokeria mũndũ ũrĩa ũramenyeria ngatho nĩ kwa bata nĩkĩ? (c) Nĩ ũtaaro ũrĩkũ ũngĩteithia athuri kũmenyeria arĩa angĩ? (Rora gathandũkũ “ Ũrĩa Tũngĩmenyeria Arĩa Angĩ.”)
7 Taarĩria mũrũ wa Ithe witũ ũrĩa ũramenyeria gĩtũmi gĩa Kĩĩmaandĩko gĩa kũũrio eke ũndũ mũna. Weka ũguo, ũgũkorũo ũkĩmũteithia kuonaga maũndũ kũringana na Maandĩko. Kwa ngerekano, ta tua atĩ nĩ wahe mũrũ wa Ithe witũ wĩra wa gũtigagĩrĩra atĩ gacĩra ga kũingĩra Nyũmba-inĩ ya Ũthamaki nĩ gatheru na gatirĩ na indo ingĩhĩnga mũndũ. No mũthome nake rĩandĩko rĩa Tito 2:
8 Makĩria ma ũguo, tigagĩrĩra atĩ nĩ wacokeria mũrũ wa Ithe witũ ngatho nĩ ũndũ wa ũrĩa arerutanĩria kũhũthĩra ũtaaro ũrĩa ũramũhe. Ũndũ ũcio nĩ wa bata nĩkĩ? O ta ũrĩa maĩ mateithagia mũmera gũkũra, no taguo kũmũcokeria ngatho kuuma ngoro kũrĩmũteithagia gũthiĩ na mbere gũkũra kĩĩroho.
NO ŨKORŨO ŨTARĨ ŨNDŨ MŨHŨTHŨ
9. (a) Mabũrũri-inĩ marĩa mathiĩte na mbere-rĩ, nĩ ũndũ ũrĩkũ ũtakoragwo ũrĩ mũhũthũ harĩ athuri? (b) Nĩ kĩĩ gĩtũmĩte ariũ a Ithe witũ amwe ethĩ mage kũiga maũndũ ma kĩĩroho mbere ũtũũro-inĩ wao?
9 Mabũrũri-inĩ marĩa mathiĩte na mbere, no ũkorũo ũtarĩ ũndũ mũhũthũ harĩ athuri gũteithia ariũ a Ithe witũ arĩa marĩ mĩaka-inĩ ya 20 na 30 merutĩre makĩria kĩũngano-inĩ. Athuri amwe a kĩũngano kuuma mabũrũri 20 ma Rũraya, nĩ mooririo kĩrĩa hihi gĩtũmaga ariũ a Ithe witũ ethĩ amwe mage
10, 11. (a) Mũthuri angĩteithia atĩa kahora kahora mũrũ wa Ithe witũ ũtarĩ na wendi wa gũthingata mĩoroto ya kĩĩroho? (b) Nĩ Maandĩko marĩkũ mũthuri angĩarĩrĩria na mũrũ wa Ithe witũ ta ũcio, na nĩkĩ? (Rora kohoro ka magũrũ-inĩ.)
10 Angĩkorũo mũrũ wa Ithe witũ ndarĩ na wendi wa gũthingata mĩoroto ya kĩĩroho, nĩ ũkũbatara gũkorũo na kĩyo kĩingĩ na wetereri nĩguo ũmũteithie acenjie muonere wake wa maũndũ. O ta ũrĩa mũrĩmi angĩrũnga mũtĩ mũgonyoku kahora kahora nginya wĩhande wega, no ũteithie ariũ a Ithe witũ amwe kahora kahora mone bata wa gũcenjia mwerekera wao wĩgiĩ kwĩrutĩra makĩria kĩũngano-inĩ. Ũngĩka ũguo na njĩra ĩrĩkũ?
11 Wagĩrĩirũo kwamba gũthondeka ũrata na mũrũ wa Ithe witũ ũrĩa ũrenda gũteithia. Mũteithie one atĩ kĩũngano nĩ kĩramũbatara. Ũcoke thutha wa ihinda mwarĩrĩrie nake maandĩko marĩa mangĩmũteithia gwĩciria na ũritũ ũhoro wa wĩyamũrĩri wake harĩ Jehova. (Koh. 5:4; Isa. 6:8; Mat. 6:
INYUĨ ARĨA MŨRAMENYERIO, ONANAGIAI WĨHOKEKU
12, 13. (a) Elisha onanirie mwerekera ũrĩkũ rĩrĩa aamenyeragio nĩ Elija? (b) Jehova aarathimire Elisha atĩa nĩ ũndũ wa wĩhokeku wake?
12 Inyuĩ ariũ a Ithe witũ ethĩ, kĩũngano nĩ kĩrabatara ũteithio wanyu. Nĩ mwerekera ũrĩkũ ũngĩmũteithia kũgaacĩra ũtungata-inĩ wanyu harĩ Jehova? Nĩguo tuone macokio, rekei twarĩrĩrie maũndũ mamwe marĩa maahanĩkire ũtũũro-inĩ wa Elisha rĩrĩa aamenyeragio.
13 Hakuhĩ mĩaka 3,000 mĩhĩtũku, mũnabii Elija nĩ oririe Elisha, ũrĩa hĩndĩ ĩyo warĩ mwanake, atuĩke ndungata yake. Atekũrĩa marĩĩgu, Elisha nĩ eetĩkĩrire rĩĩtana rĩu na akĩambĩrĩria gũtungata mũnabii ũcio mũkũrũ arĩ na wĩhokeku, akamũteithagia nginya wĩra ũrĩa ũngĩonekire ũrĩ wa kĩrathi gĩa thĩ. (2 Ath. 3:11) Elija aamenyeririe Elisha kĩndũ ta mĩaka ĩtandatũ. Thutha ũcio, rĩrĩa Elija aamenyire atĩ aarĩ hakuhĩ gũtiga gũtungata thĩinĩ wa Isiraeli, nĩ eerire Elisha atĩ nĩ egũtiga gũtuĩka ndungata yake. Ĩndĩ Elisha amwĩrire ũũ maita matatũ: “Ndingĩgũtiga.” Itua rĩake rĩarĩ gũtũũrania na mũrutani wake ihinda iraya o ũrĩa kũngĩahotekire. Nĩ ũndũ wa wĩhokeku wa Elisha, Jehova nĩ aamũrathimire na njĩra ya kũreka eyonere Elija agĩthiĩ rĩrĩa oirũo nĩ kĩhuhũkanio kĩa rũhuho.
14. (a) Ariũ a Ithe witũ arĩa maramenyerio mangĩĩgerekania atĩa na Elisha? (b) Mũndũ ũrĩa ũramenyerio arabatara gũkorũo arĩ mwĩhokeku nĩkĩ?
14 Ũngĩĩgerekania atĩa na Elisha? Koragwo wĩhaarĩirie gwĩtĩkĩra mawĩra kĩũngano-inĩ, nginya marĩa ma kĩrathi gĩa thĩ. Onaga mũthuri ũrĩa ũrakũmenyeria arĩ mũrata, na ũmuonagie atĩ nĩ ũkenagio nĩ kĩyo gĩake gĩa gũgũteithia. Angĩkorũo nĩ ũkũiyũkia na njĩra njega ũteithio ũrĩa ũraaheo, nĩ ta ũrera mũthuri ũcio ũũ: “Ndingĩgũtiga.” Makĩria ma ũguo, rutaga na wĩhokeku wĩra o wothe ũrĩa waheo. Ũndũ ũcio nĩ wa bata mũno
ONANAGIAI GĨTĨO
15, 16. (a) Elisha onanirie gĩtĩo harĩ Elija na njĩra irĩkũ? (Rora mbica kĩambĩrĩria-inĩ gĩa gĩcunjĩ gĩkĩ.) (b) Nĩ ũndũ ũrĩkũ Elisha eekire ũgĩtũma anabii arĩa angĩ mamũtĩe mũno?
15 Ningĩ ũhoro wa Elisha nĩ wonanĩtie ũrĩa ariũ a Ithe witũ ũmũthĩ mangĩonania gĩtĩo kĩrĩa kĩagĩrĩire harĩ athuri arĩa marĩ na ũmenyeru. Rĩrĩa Elija na Elisha maacereire gĩkundi kĩmwe kĩa anabii thĩinĩ wa Jeriko, athuri acio erĩ nĩ maathire Rũĩ-inĩ rwa Jorodani. Marĩ hau rũĩ-inĩ, “Elija akĩruta nguo yake ya igũrũ, akĩmĩkũnjakũnja, akĩgũtha maĩ, namo makĩgayũkana ũũ na ũũ.” Athuri acio erĩ magĩkĩrĩra hau rũĩ rwagayũkanĩire, na magĩthiĩ o ‘makĩaragia.’ Ma nĩ atĩ, Elisha ndeeyonaga ta aarĩ na ũmenyo wa maũndũ mothe. Rĩrĩa rĩothe maatũũranirie na Elija, aathikagĩrĩria na kinyi maũndũ mothe marĩa Elija aamũrutaga. Elija nĩ aacokire akĩambatio na igũrũ arĩ kĩhuhũkanio-inĩ kĩa rũhuho. Thutha ũcio, Elisha agĩcoka Rũĩ-inĩ rwa Jorodani, akĩgũtha maĩ na nguo ĩrĩa ya Elija, akĩanĩrĩra akiuga ũũ: “Jehova, Ngai wa Elija, arĩ ha?” Maĩ makĩgayũkana o rĩngĩ.
16 Ũngĩrora nĩ ũkuona atĩ kĩama kĩu kĩa mbere kĩa Elisha kĩahananire biũ na kĩama kĩa mũico kĩrĩa Elija aaringire. Ũndũ ũcio ũratũruta atĩa? Elisha ndaatuire atĩ tondũ rĩu nĩwe watigĩrũo maũndũ ekwambĩrĩria o hĩndĩ ĩyo kũmeeka ngũrani na ũrĩa Elija arekaga. Ithenya rĩa ũguo, onanirie gĩtĩo harĩ Elija na njĩra ya gũthiĩ na mbere gwĩka o ũrĩa onete Elija agĩka, na ũndũ ũcio ũgĩtũma anabii arĩa angĩ mehoke biũ mwĩkĩre wa Elisha wa maũndũ. (2 Ath. 2:
17. (a) Arĩa maramenyerio mangĩĩgerekania atĩa na mwerekera wa Elisha? (b) Thutha wa ihinda, kwahoteka Jehova arĩhũthĩra atĩa arĩa maramenyerio?
17 Ũngĩĩhokerũo maũndũ thĩinĩ wa kĩũngano, ti wega gwĩciria atĩ wagĩrĩirũo nĩ kũmeka na njĩra ngũrani biũ na ũrĩa marekagwo hau kabere. Maũndũ magĩrĩirũo gũcenjio nĩ ũndũ wa mabataro ma kĩũngano na ũtongoria ũrĩa tũheagwo nĩ ithondeka rĩa Jehova, no ti tondũ tu nĩ ũrenda kũmacenjia. Nĩ ũndũ wa gũthiĩ na mbere gwĩka maũndũ o ta ũrĩa Elija eekaga, Elisha nĩ aatũmire anabii arĩa angĩ mehoke biũ mwĩkĩre wake wa maũndũ na akĩonania gĩtĩo harĩ Elija. O ũndũ ũmwe na ũcio, o nawe no ũtũme Akristiano arĩa angĩ mehoke biũ mwĩkĩre waku wa maũndũ na wonanie gĩtĩo harĩ athuri arĩa marĩ na ũmenyeru, ũngĩthiĩ na mbere kũhũthĩra njĩra iria mahũthagĩra cia kĩĩmandĩko. (Thoma 1 Akorintho 4:
18. Nĩkĩ kũmenyeria ariũ a Ithe witũ arĩa angĩ nĩ kwa bata mũno ũmũthĩ?
18 Tũrehoka atĩ maũndũ marĩa twarĩrĩria gĩcunjĩ-inĩ gĩkĩ na kĩrĩa kĩhĩtũku, nĩ mekwarahũra athuri aingĩ maamũrage mahinda ma kũmenyeria ariũ a Ithe witũ arĩa angĩ. No ũkorũo ũrĩ ũndũ mwega ariũ a Ithe witũ arĩa magĩrĩire mangĩtĩkĩra kũmenyerio, macoke mahũthĩre ũũgĩ ũcio gũteithia ng’ondu cia Jehova. Gwĩka ũguo nĩ gũgwĩkĩra ciũngano hinya thĩinĩ wa thĩ yothe na gũtũteithie gũikara tũrĩ ehokeku tũkĩng’ethera maũndũ ma bata mũno marĩa marĩ mbere itũ.
^ kĩb. 5 Mũrũ wa Ithe witũ mwĩthĩ angĩonania atĩ nĩ agimarĩte kĩĩroho, nĩ mwĩnyihia, na nĩ akũrĩtie ngumo ingĩ cia Kĩĩmaandĩko iria ibataranagia, athuri no moige amũrũo atuĩke mũteithia wa ũtungata ona angĩkorũo ndakinyĩtie mĩaka 20.
^ kĩb. 11 Mũkĩaria nake no ũhũthĩre maũndũ marĩa marĩ thĩinĩ wa Mũrangĩri wa Ĩpuro 1, 2012, karatathi ka 20-