Hingo Ciothe Wĩhokage Jehova!
“Inyuĩ kĩrĩndĩ kĩa bũrũri-rĩ, wĩhokagei o we mahinda mothe.”
1-3. Nĩ kĩĩ gĩatũmire Paulo etĩkie biũ atĩ Jehova nĩ angĩamũteithirie? (Rora mbica kĩambĩrĩria-inĩ gĩa gĩcunjĩ gĩkĩ.)
HĨNDĨ ya karine ya mbere, gũkorũo mũndũ arĩ Mũkristiano thĩinĩ wa Roma kwarĩ ũgwati. Akristiano nĩ maanyariragwo mũno. Aroma nĩ maamaigĩrĩire atĩ nĩo maacinire taũni ya Roma mwaka wa 64 na makiuga atĩ Akristiano nĩ maathũire andũ. Aarĩ na ariũ a Ithe witũ aingĩ nĩ maanyitagwo na magaikio njera nao angĩ makanenganĩrũo matarũrangwo nĩ nyamũ. Angĩ nao maahũragĩrũo mĩcumarĩ mĩtĩ-inĩ magacoka makamundio mwaki matuĩke imũrĩ cia ũtheri ũtukũ. O mũthenya Akristiano nĩ maamenyaga no macemanie na ũmwe wa maũndũ macio.
2 No kũhoteke nĩ ihinda-inĩ rĩu iritũ Paulo aaikirio njera riita rĩa kerĩ thĩinĩ wa Roma. Hihi Akristiano arĩa angĩ nĩ mangĩamũteithirie? No gũkorũo Paulo nĩ aambĩte kwĩyũria ũguo, tondũ aandĩkĩire Timotheo ũũ: “Rĩrĩa ndatwarirũo cira-inĩ rĩa mbere-rĩ, hatirĩ mũndũ o na ũmwe wandũgamĩrĩire: no kũndiganĩria maandiganĩirie othe. Maroaga gũtarĩrũo ũndũ ũcio!” O na kũrĩ ũguo, Paulo nĩ aamenyaga atĩ ti mũtiganĩrie biũ. Aandĩkire ũũ: “Mwathani nĩwe wandũgamĩrĩire akĩnjĩkĩra hinya.” Ma nĩ atĩ, Mwathani Jesu nĩ aaheire Paulo hinya ũrĩa aabataraga. Hinya ũcio wateithirie Paulo atĩa? Oigire ũũ: “Ngĩgĩtunyũkithio kanua-inĩ ka mũrũthi ũcio.”
3 Kũririkana ũrĩa aahonokirio riita rĩa mbere no mũhaka akorũo nĩ kwamwĩkĩrire hinya mũno, gũgĩtũma etĩkie biũ atĩ Jehova nĩ angĩamũheire hinya wa gũkirĩrĩria magerio make, na moritũ mangĩ o mothe marĩa mangĩoimĩrire thutha-inĩ. Aacokire akiuga ũũ: ‘Mwathani nĩwe ũkũndunyũkithia ũndũ-inĩ ũrĩa wothe mũũru.’ (2 Tim. 4:
MĨEKE YA ‘KWĨHOKA JEHOVA’
4, 5. (a) Nũ hingo ciothe ũngĩkũhe ũteithio ũrĩa ũrabatara? (b) Ũngĩka atĩa nĩguo ũrata waku na Jehova ũrũme biũ?
4 Hihi kũrĩ hĩndĩ ũrĩ waigua ũtiganĩirio rĩrĩa ũrahiũrania na ũndũ mũritũ? No ũkorũo warĩ ũritũ wa kwaga wĩra, gũtindĩkĩrĩrio wĩke maũndũ moru ũrĩ cukuru, ndwari, kana ũndũ ũngĩ mũru. No kũhoteke nĩ wahoire andũ ũteithio, no makĩaga gũkũhe ũteithio ũrĩa wabataraga. Ma nĩ atĩ, kũrĩ mathĩna andũ matangĩhota gũkwehereria. Hĩndĩ ĩrĩa ũrĩ mathĩna-inĩ ta macio-rĩ, hihi ũtaaro wa Bibilia wĩgiĩ ‘kwĩhoka Jehova’ no ũkorũo ũrĩ wa bata? (Thim. 3:
5 Nĩ ũndũ ũcio, handũ ha kũigua ũru tondũ andũ matirakũhe ũteithio ũrĩa ũrabatara, hũthĩra mweke ũcio kwĩhoka Jehova biũ o ta ũrĩa Paulo eekire, na nĩ ũkwĩyonera agĩgũteithia. Gwĩka ũguo nĩ gũgwĩkĩra wĩtĩkio waku harĩ Jehova hinya, na gũtũme ũrata waku hamwe nake ũrũme biũ.
TWAGĨRĨIRŨO NĨ KWĨHOKA JEHOVA
6. Nĩkĩ no ũkorũo ũtarĩ ũndũ mũhũthũ kwĩhoka Jehova hĩndĩ ĩrĩa tũrahiũrania na ũndũ mũritũ?
6 Ũngĩkorũo na ũndũ mũritũ ũragũthumbũra na nĩ wĩkĩte o ũrĩa wothe ũngĩhota gũcaria kĩhonia na ũkahoya Jehova agũteithie-rĩ, hihi no kũhoteke ũtige gũtangĩka na ũgĩe na thayũ wĩhokete biũ atĩ nĩ egũgũteithia? No kũhoteke! (Thoma Thaburi 62:8; 1 Petero 5:7.) Kwĩruta kwĩhoka Jehova nĩ kwa bata mũno harĩ gũkũria ũrata hamwe nake. O na kũrĩ ũguo, ti hingo ciothe ũkoragwo ũrĩ ũndũ mũhũthũ kwĩhoka atĩ Jehova nĩ egũkũhe ũteithio ũrĩa ũrabatara. Nĩkĩ? Gĩtũmi kĩmwe nĩ atĩ ti hingo ciothe Jehova acokagia mahoya na ihenya ũrĩa tũngĩĩciria.
7. Nĩkĩ ti hingo ciothe Jehova acokagia mahoya maitũ na ihenya ũrĩa tũngĩĩciria?
7 Nĩkĩ ti hingo ciothe Jehova acokagia mahoya maitũ na ihenya ũrĩa tũngĩĩciria? Ririkana atĩ Bibilia ĩhananagia Jehova na mũciari na ithuĩ ĩgatũhanania na ciana. (Thab. 103:13) Mũciari ndaheaga mwana wake kĩrĩa gĩothe amwĩtia kana akamũhe o hĩndĩ ĩyo amwĩtia. Mũciari nĩ oĩ atĩ mwana no etie kĩndũ ũmũthĩ no rũciũ akorũo atarĩ na ũhoro nakĩo. Ningĩ mũciari nĩ amenyaga kĩrĩa kĩagĩrĩire mwana wake biũ, na akamenya ũrĩa kĩndũ kĩu gĩkũhutia andũ arĩa angĩ. Nĩ amenyaga kĩrĩa mwana arabatara na rĩrĩa agĩrĩirũo nĩ kũmũhe. Mũciari angĩmenyera kũheaga mwana wake o kĩrĩa gĩothe amwĩtia o hĩndĩ ĩrĩa amwĩtia, angĩtuĩka wa gwathagwo nĩ mwana wake. Jehova, Ithe witũ wa igũrũ, nĩ atwendete. Tondũ nĩwe Mũũmbi witũ, nĩ oĩ maũndũ marĩa tũbataraga na nĩwe ũmenyaga ihinda rĩrĩa rĩagĩrĩire rĩa gũtũhingĩria maũndũ marĩa twamũhoya. Nĩ wega gweterera tũkeyonera ũrĩa Jehova egũcokia mahoya maitũ.
8. Nĩ atĩa Jehova atwĩrĩte nĩ ũndũ wa kũmenya atĩ nĩ tũnyihĩirũo nĩ hinya?
8 Ũndũ ũngĩ nĩ atĩ Jehova nĩ oĩ atĩ nĩ tũkoragwo tũnyihĩirũo nĩ hinya. (Thab. 103:14) Nĩ ũndũ ũcio, ndeerĩgagĩrĩra tũkirĩrĩrie mathĩna na hinya witũ ithuĩ ene ĩndĩ atũheaga hinya ũrĩa tũrabatara. Ma nĩ atĩ, rĩmwe na rĩmwe twahota kũigua ta tũtangĩhota gũkirĩrĩria rĩngĩ. O na kũrĩ ũguo, Jehova atwĩraga atĩ ndarĩ hĩndĩ angĩrekereria tũnyamarĩke ũndũ tũtangĩhota gũkirĩrĩria, no ‘nĩarĩtuonagĩra njĩra ya kũhonokera.’ (Thoma 1 Akorintho 10:13.) Nĩ ũndũ ũcio, tũrĩ na gĩtũmi kĩega gĩa gwĩtĩkia atĩ Jehova nĩ amenyaga maũndũ marĩa tũngĩhota gũkirĩrĩria.
9. Twagĩrĩirũo gwĩka atĩa tũngĩona Jehova ndaracokia mahoya maitũ na ihenya ta ũrĩa tũngĩĩciria?
9 Tũngĩona Jehova ndaracokia mahoya maitũ na ihenya ta ũrĩa tũngĩĩciria-rĩ, twagĩrĩirũo gũkorũo na wetereri. Ririkana atĩ Jehova nĩ endaga mũno gũtũteithia, ĩndĩ ageterera arĩ na ũkirĩrĩria nginya hĩndĩ ĩrĩa njagĩrĩru ya gũcokia mahoya maitũ ĩkinye. Bibilia yugaga ũũ: “Mwathani aikaire eetereire kũmũiguĩra tha. Eetereire kũmũtuga nĩ gũkorũo Mwathani Ngai eekaga o maũndũ ma kĩhooto. Arĩa maikaraga mamwĩhokete maikaraga makeneete.”
“KANUA-INĨ KA MŨRŨTHI”
10-12. (a) Mũkristiano angĩritũhĩrũo atĩa nĩ maũndũ rĩrĩa aratumberia mũndũ wa famĩlĩ ũrĩ na mũrimũ mũnene? (b) Kwĩhoka Jehova hĩndĩ ĩrĩa ũrahiũrania na ũndũ mũritũ kũngĩhutia atĩa ũrata wanyu nake? Heana ngerekano.
10 Nĩ kũrĩ hĩndĩ ũngĩkorũo ũkĩhiũrania na ũndũ mũritũ mũno nginya ũigue ta ũrĩ “kanua-inĩ ka mũrũthi” o ta ũrĩa Paulo aaiguire. Hĩndĩ ta ĩyo kwĩhoka Jehova gũtikoragwo kũrĩ ũndũ mũhũthũ ĩndĩ nĩrĩo kũrĩ kwa bata mũno. Kwa ngerekano, ta hũũra mbica ũgĩtumberia mũndũ thĩinĩ wa famĩlĩ ũrũarĩte mũrimũ mũnene, na nĩ ũhoete Jehova akũhe ũũgĩ na hinya wa kũhiũrania na ũndũ ũcio. * Tondũ nĩ wĩkĩte o ũrĩa wothe ũngĩhota-rĩ, na githĩ ndwagĩrĩirũo kũgĩa na thayũ nĩ ũndũ nĩ ũramenya atĩ Jehova nĩ arona mathĩna marĩa ũrahiũrania namo na nĩ egũkũhe ũteithio ũrĩa ũrabatara nĩguo ũhote gũkirĩrĩria ũrĩ na wĩhokeku?
11 Nĩ kũrĩ maũndũ ũngĩrora wone Jehova ta ataragũteithia. Mandagĩtarĩ no marute mawoni matiganĩte. Andũ a famĩlĩ yanyu arĩa ũrerĩgagĩrĩra atĩ nĩ megũgũteithĩrĩria no makũritũhĩrie maũndũ. Thiĩ na mbere kwĩhoka Jehova akũhe hinya na ũthiĩ na mbere kũmũkuhĩrĩria. (Thoma 1 Samueli 30:
12 Thutha wa gũtumberia aciari ake mĩaka mĩingĩ matanakua, mwarĩ wa Ithe witũ Linda * nĩ eeyoneire ũũma wa ũndũ ũcio. Oigire ũũ: “Ihinda-inĩ rĩu, tũrĩ na mũthuri wakwa, na mũrũ wa maitũ, kaingĩ nĩ twarigagwo ũrĩa tũgwĩka. Rĩmwe na rĩmwe nĩ twaiguaga tũũrĩtwo nĩ hinya mũno. O na kũrĩ ũguo, rĩu twaikia maitho na thutha nĩ tuonaga wega ũrĩa Jehova aatũteithagia. Nĩ aatũheaga hinya na ũteithio ũrĩa twabataraga, o na rĩrĩa tuona ta gũtarĩ ũndũ ũngĩ tũngĩka.”
13. Kwĩhoka Jehova gwateithirie atĩa mwarĩ wa Ithe witũ ũmwe ahiũranie na mathĩna maritũ marĩa maamũgũmĩire?
13 Ningĩ kwĩhoka Jehova biũ no gũtũteithie hĩndĩ ĩrĩa twagũmĩrũo nĩ mathĩna. Ũguo nĩguo mwarĩ wa Ithe witũ Rhonda eekire. Mũthuri wake ũtarĩ Mũira wa Jehova nĩ aatuĩte itua matigane. Ihinda-inĩ o rĩu, mũrũ wa nyina na Rhonda akĩmenyeka aarĩ na mũrimũ mũũru wĩtagwo lupus. Ningĩ thutha wa mĩeri ĩigana ũna, mũtumia wa mũrũ wa nyina agĩkua. Rĩrĩa Rhonda aambĩrĩirie gũcokwo nĩ thayũ kuumana na mathĩna macio, nĩ aatuĩkire painia. Kahinda kanini thutha ũcio nyina agĩkua. Nĩ kĩĩ gĩateithirie Rhonda kũhiũrania na maũndũ macio? Oigaga ũũ: “Ndaacaragia ũtongoria wa Jehova o mũthenya, nginya ũhoro-inĩ wĩgiĩ matua marĩa manini. Ũndũ ũcio nĩ watũmire ndĩmũkuhĩrĩrie makĩria na ũkĩnduta kũmwĩhokaga handũ ha kwĩĩhoka niĩ mwene kana kwĩhoka andũ angĩ. Nĩ aaheire ũteithio ũrĩa wothe ndaabataraga. Nĩ ũndũ ũcio, nĩ ndĩyoneire ũrĩa Jehova ateithagia arĩa monanagia atĩ nĩ mamwĩhokete.”
O na thĩinĩ wa famĩlĩ no kuumĩre mathĩna mangĩgeria ũrata witũ na Jehova (Rora kĩbungo gĩa 14-16)
14. Ũngĩonania atĩa atĩ nĩ wĩhokete Jehova mũndũ wa famĩlĩ angĩeherio kĩũngano-inĩ?
14 Ningĩ ta hũũra mbica mũndũ wa famĩlĩ yanyu eheretio thĩinĩ wa kĩũngano. Kũringana na ũrĩa wĩrutĩte Bibilia, nĩ ũĩ wega ũrĩa twagĩrĩirũo kuona andũ arĩa meheretio kĩũngano-inĩ. (1 Kor. 5:
15. Adamu aaremeire Jehova nĩkĩ?
15 Ta wĩcirie ũrĩa ũhoro ũcio ũkonainie na wa Adamu. Hihi Adamu eeciragia atĩ ekũremera Jehova acoke athiĩ na mbere gũtũũra? Aca, tondũ Maandĩko matwĩraga atĩ Adamu “tiwe wahenereirio.” (1 Tim. 2:14) Angĩkorũo tiguo eeciragia-rĩ, aaremeire Ngai nĩkĩ? No mũhaka akorũo aarĩire itunda rĩrĩa aaheirũo nĩ mũtumia wake tondũ nĩ aamwendire gũkĩra ũrĩa endete Jehova. Handũ ha gũthikĩrĩria mũgambo wa Jehova, aathikĩrĩirie wa mũtumia wake.
16. Nũ twagĩrĩirũo kwenda makĩria, na nĩkĩ?
16 Hihi ũguo nĩ kuuga atĩ tũtiagĩrĩirũo gũkorũo na wendo mũnene harĩ andũ a famĩlĩ citũ? Aca! O na kũrĩ ũguo, Jehova nĩwe twagĩrĩirũo nĩ kwenda makĩria ma mũndũ ũngĩ o wothe. (Thoma Mathayo 22:
O TŨGĨETAGĨRĨRA
Onania atĩ nĩ wĩhokete Jehova na njĩra ya gũthiĩ na mbere gũkorũo na kĩyo ũtungata-inĩ wake (Rora kĩbungo gĩa 17)
17. Tuonanagia atĩa atĩ nĩ twĩhokete Jehova na njĩra ya gũkorũo na kĩyo wĩra-inĩ wa kũhunjia?
17 Muoroto wa Jehova warĩ ũrĩkũ ‘agĩtunyũkithia Paulo kanua-inĩ ka mũrũthi’? Paulo oigire ũũ: “Nĩ getha ndũmĩrĩri ĩrĩa ya Ngai ĩhunjio ĩmemereke wega na ũndũ wakwa, nao andũ othe a ndũrĩrĩ mamĩigue.” (2 Tim. 4:
18. Nĩ maũndũ marĩkũ tũngĩka nĩguo twĩhoke Jehova biũ na twĩkĩre ũrata witũ nake hinya?
18 Nĩ ũndũ ũcio, rekei tũhũthagĩre mweke o wothe tũrĩ naguo gwĩkĩra ũrata witũ na Jehova hinya. Rĩrĩa tũrĩ na ũndũ ũratũtanga, rekei tũhũthagĩre ihinda rĩu gũkuhĩrĩria Jehova makĩria. Angĩkorũo nĩ ũrĩthomaga na ũgecũũrania Kiugo kĩa Ngai, ũkahoya kaingĩ, na ũgakoragwo na kĩyo wĩra-inĩ wa kũhunjia, nĩ ũrĩkoragwo na ma atĩ Jehova nĩ arĩgũteithagia kũhiũrania na mathĩna marĩa mothe ũracemania namo mahinda-inĩ maya o na marĩa mangĩũka thutha-inĩ.
^ kĩb. 2 No kũhoteke Paulo aahonokirio kuuma kũrĩ mũrũthi wa biũ kana kuuma mogwati-inĩ mangĩ.
^ kĩb. 10 Ngathĩti ya Amkeni! ya Februarĩ 8, 1994; Februarĩ 8, 1997; Mĩĩ 22, 2000; na ya Janũarĩ 22, 2001 irĩ na ũhoro wa gũteithia Akristiano mahote kũhiũrania na ndwari na wa gũteithia arĩa maramatumberia.
^ kĩb. 12 Marĩĩtwa nĩ macenjetio.
^ kĩb. 14 Rora gĩcunjĩ “Mũbango wa Kweheria Mũndũ Wĩhĩtie Kĩũngano-inĩ nĩ wa Wendo Nĩkĩ?” thĩinĩ wa ngathĩti ĩno.
^ kĩb. 16 Ngathĩti ya Mnara wa Mlinzi ya Septemba 1, 2006 (karatathi ga 17-
