Nĩ ũthomete na kinyi icunjĩ cia ica ikuhĩ cia Mũrangĩri? ta rora kana no ũhote gũcokia ciũria ici:

Jehova eetĩkĩragia mbaara hĩndĩ ya Isiraeli ya tene nĩkĩ?

Jehova nĩ Ngai ũrĩ wendo. O na kũrĩ ũguo, mahinda-inĩ mamwe nĩ eetĩkĩragia mbaara nĩguo aniine maũndũ marĩa maahinyagĩrĩria andũ ake na waganu ũrĩa wakoragwo kuo. Ngai wiki nĩwe woigaga nũ ũgũthiĩ mbaara-inĩ na rĩrĩa ĩngĩarũirũo.​—w15 11/1, kar. 4-5.

Nĩ maũndũ marĩkũ ma bata aciari mangĩka nĩguo mateithie tinĩnja ao matungatĩre Jehova?

Nĩ ũndũ wa bata aciari kuonia tinĩnja ao wendo na monanie wĩnyihia kũgerera kĩonereria kĩao. Ningĩ aciari nĩ magĩrĩirũo kuonanagia ũtaũku na merutanĩrie gũtaũkĩrũo nĩ tinĩnja ao.​—w15 11/15, kar. 9-11.

Nĩkĩ baba mũtheru ndagĩrĩire kuonwo ta arĩ we ũcokaga ithenya rĩa Petero?

Mathayo 16:17, 18 ndiugaga atĩ mũtũmwo Petero nĩwe ũngĩatuĩkire mũtwe wa kĩũngano gĩa Gĩkristiano. No Bibilia yonanagia atĩ Petero tiwe warĩ na ũnene, ĩndĩ Jesu nĩwe ũngĩatuĩkire ihiga rĩa kona rĩa kĩũngano. (1 Pet. 2:4-8)​—w15 12/1, kar. 12-14.

Nĩ maũndũ marĩkũ twagĩrĩirũo kwamba gwĩciria mbere ya kwaria?

Nĩguo tũhũthĩre rũrĩmĩ rwitũ wega twagĩrĩire kũririkana maũndũ maya (1) hĩndĩ ĩrĩa njagĩrĩru ya kwaria (Koh. 3:7), (2) ciugo iria twagĩrĩirũo nĩ kũhũthĩra (Thim. 12:18), na (3) ũrĩa twagĩrĩirũo nĩ kwaria (Thim. 25:15).​—w15 12/15, kar. 19-22.

Nĩ maũndũ marĩkũ mamwe ma kwaga wĩhokeku Akristiano magĩrĩirũo gwĩthema?

Akristiano a ma nĩ methemaga kũheenania na gũcambania. Matiaragia maũndũ matarĩ ma ma mangĩtuurithia andũ angĩ, na matitunyanaga kana makaiya.​—wp16.1, kar. 5.

“Athĩnjĩri-Ngai arĩa anene” magwetetwo thĩinĩ wa Bibilia maarĩ a?

Ciugo “athĩnjĩri-Ngai arĩa anene” ciaragia ũhoro wa arũme arĩa maatongoragia harĩ ũthĩnjĩri-Ngai, na nĩ hamwe na athĩnjĩri-Ngai anene arĩa maatigĩte gũtungata.​—wp16.1, kar. 10.

Twagĩrĩirũo gũkorũo na mawoni marĩkũ harĩ Mũkristiano ũrĩaga mũgate na akanyua ndibei hĩndĩ ya Kĩririkano?

Akristiano matitũgagĩria arĩa marĩaga mũgate na makanyua ndibei hĩndĩ ya kĩririkano. Mũkristiano mũitĩrĩrie maguta ndangĩenda gũtũgĩrio, kana kwĩra andũ ũhoro wĩgiĩ rĩĩtana rĩake. (Mat. 23:8-12)​—w16.01, kar. 23-24.

Nĩ maũndũ marĩkũ tũngĩĩruta kuumana na kĩrĩa gĩateithirie Iburahimu gũtuĩka mũrata wa Ngai?

Kwahoteka Iburahimu aamenyire ũhoro wa Jehova kũgerera kũrĩ Shemu. Ningĩ Iburahimu nĩ eeyoneire ũrĩa Jehova aamũrũmbũirie hamwe na famĩlĩ yake. O na ithuĩ no twĩke o ta ũguo.​—w16.02, kar. 9-10.

Nũ wekĩrire mĩrango na mĩhari Bibilia-inĩ?

Mũtongoria wa ndini wetagwo Stephen Langton wa karine ya 13 nĩwe wagayanirie Bibilia na mĩrango. Andĩki Ayahudi nĩo maambire kũgayania Maandĩko mothe ma Kĩhibirania na mĩhari, nake mũthomi wetagwo Robert Estienne akĩgayania Maandĩko ma Gĩkristiano ma Kĩngiriki karine-inĩ ya 16.​—wp16.2, kar. 14-15.

Rĩrĩa Shaitani aageragia Jesu-rĩ, hihi aamũtwarĩte hekarũ-inĩ kana nĩ kĩoneki aamuonirie?

Tũtingiuga tũrĩ na ma. Mathayo 4:5 na Luka 4:9 no ikorũo ikĩonania atĩ Jesu aatwarirũo hau kũgerera kĩoneki kana aarũgamire handũ gacũmbĩrĩ-inĩ ka hekarũ.​—w16.03, kar. 31-32.

Nĩ na njĩra irĩkũ ũtungata witũ wa Gĩkristiano ũngĩkorũo ũhaana ta ireera?

Ireera rĩyaragĩra nyeki-inĩ kahora kahora, na nĩ rĩcanjamũraga na rĩgateithia gũtũũria kĩndũ muoyo. Rĩkoragwo rĩrĩ kĩrathimo kuuma kũrĩ Jehova. (Gũcok. 33:13) Na noguo ũtungata wa andũ a Ngai ũkoragwo ũhaana.​—w16.04, kar. 4.