“Gitagĩra Ngoro Yaku!”
“Gitagĩra Ngoro Yaku!”
Kĩrũrũngano Kĩa Ng’ongo Kĩa Aira A Jehova
KĨONGO KĨA MŨTHENYA WA NJUMAA
“Jehova Abaraga Ngoro Thĩinĩ”—1 SAMUELI 16:7.
KĨONGO KĨA MŨTHENYA WA NJUUMA
“Kanua Kaaragia Maũndũ Marĩa Maiyũire Ngoro”—MATHAYO 12:34.
KĨONGO KĨA MŨTHENYA WA KIUMIA
‘Tungatagĩra Jehova na Ngoro Yaku Yothe’—1 MAŨNDŨ MA MATUKŨ MA TENE 28:9.
Bibilia ĩgwetaga kiugo ngoro hakuhĩ maita ngiri ĩmwe. Maita maingĩ Maandĩko maragia, ti ũhoro wa ngoro ĩrĩa ĩhũũraga thakame, no nĩ ngoro ya mũhaano. Ngoro ya mũhaano nĩ kĩĩ? No ĩkorũo ĩrĩ mũndũ wa thĩinĩ—ũrĩa mũndũ eciragia, aiguaga na thĩinĩ, na ũrĩa eriragĩria.
Twagĩrĩirũo kũgitagĩra ngoro itũ ya mũhaano nĩkĩ? Ngai aahotithirie Mũthamaki Suleimani andĩke ũũ: “Makĩria ma wĩgitĩri waku wothe, wĩgitagĩre ngoro, nĩ gũkorũo ihumo cia muoyo nĩ na thĩinĩ wayo irĩ.” (Thimo 4:23) Ũtũũro witũ wa rĩu na wa ihinda rĩrĩa rĩũkĩte wĩhocetie harĩ ũrĩa ngoro citũ cia mũhaano ihaana. Nĩkĩ? Tondũ Ngai nĩ onaga kĩrĩa kĩrĩ ngoro-inĩ citũ. (1 Samueli 16:7) Ũrĩa tũhaana na thĩinĩ, “mũndũ ũrĩa wa hitho wa ngoro,” nĩguo wonanagia ũrĩa Ngai aiguaga gũtwerekera.—1 Petero 3:4.
Tũngĩgitagĩra ngoro citũ atĩa? Macokio ma kĩũria kĩu nĩ mekwaarĩrĩrio na njĩra ndikĩru hĩndĩ ya irũrũngano cia ng’ongo iria Aira a Jehova megũkorũo nacio thĩinĩ wa thĩ yothe kwambĩrĩria mweri ũyũ. Nĩ ũranyitwo ũgeni ũgooka thikũ ciothe ithatũ cia kĩrũrũngano kĩu. a Kĩrĩa ũkeeruta nĩ gĩgagũteithia wĩkage maũndũ marĩa matũmaga ngoro ya Jehova ĩkene.—Thimo 27:11.
[Kohoro ka magũrũ-inĩ]
a Nĩguo wone kĩrũrũngano kĩrĩa kĩrĩ hakuhĩ nawe, rora Rĩarĩro rĩa www.pr418.com thĩinĩ wa Intaneti. Ningĩ no warie na Aira a Jehova itũũra-inĩ rĩanyu kana wandĩkĩre acabi a ngathĩti ĩno.
[Mbica karatathi ka 32]
Photo on right: Aus dem Fundus der MÜNCHNER OLYMPIAPARK GMBH, München
[Mbica karatathi ka 32]
Hihi no wende gũceererũo?
O na thĩinĩ wa thĩ ĩno ĩrĩ na mathĩna-rĩ, no ũgĩe na gĩkeno kiumanĩte na ũũgĩ ũrĩa wa ma wa Bibilia wĩgiĩ Ngai, Ũthamaki wake, na muoroto wake harĩ andũ. Ũngĩenda ũhoro makĩria kana gũceererũo nĩ mũndũ nĩguo akũrute Bibilia hatarĩ marĩhi-rĩ, andĩkĩra Aira a Jehova ũkĩhũthĩra andĩrĩthi ĩrĩa yagĩrĩire karatathi-inĩ ga 4.
