Macokio Ma Ciũria Cia Bibilia
Rĩĩtwa rĩa Ngai nĩ rĩrĩkũ?
O mũndũ thĩinĩ wa famĩlĩ citũ nĩ arĩ rĩĩtwa rĩake kĩũmbe. O na nyamũ citũ nĩ irĩ marĩĩtwa! Githĩ o nake Ngai to mũhaka akorũo nĩ arĩ rĩĩtwa? Thĩinĩ wa Bibilia, Ngai nĩ arĩ marĩĩtwa maingĩ ma ũnene, ta Ngai Mwene-Hinya-Wothe, Mwathani Mũnene, na Mũũmbi, no nĩ arĩ rĩĩtwa rĩake we mwene.—Thoma Isaia 42:8.
Ngai endaga andũ othe mamenye rĩĩtwa rĩake. Thaburi 83:18 yugaga ũũ: “Nĩguo mamenye atĩ wee, o wee wĩtagwo Jehova, nowe wiki Ũrĩa-wĩ-Igũrũ-Mũno o igũrũ rĩa thĩ yothe.”
Twagĩrĩirũo kũhũthĩra rĩĩtwa rĩa Ngai nĩkĩ?
Ngai nĩ endaga tũhũthĩre rĩĩtwa rĩake we mwene. Tũhũthagĩra marĩĩtwa ma mũndũ kĩũmbe rĩrĩa tũraria na mũndũ twendete, ta mũrata witũ wa hakuhĩ. Hihi nĩ hagĩrĩire gũkorũo na ngũrani rĩrĩa tũraria na Ngai? Makĩria ma ũguo, Jesu Kristo aatwĩkĩrire ngoro tũhũthagĩre rĩĩtwa rĩa Ngai.—Thoma Mathayo 6:9; Johana 17:26.
O na kũrĩ ũguo, nĩguo tũtuĩke arata a Ngai, tũrabatara kũmenya to rĩĩtwa rĩake tu no nĩ nginya maũndũ mangĩ mamwĩgiĩ. Kwa ngerekano, Ngai ahaana atĩa? Hihi no kũhoteke tũkuhĩrĩrie Ngai? No wone macokio ma ciũria icio thĩinĩ wa Bibilia.
Icunjĩ Ingĩ Hihi Ũngĩenda Gũthoma
MORUTANI MA BATA MA BIBILIA
Ngai Hihi nĩ Arĩ Rĩĩtwa?
Ngai nĩ arĩ marĩĩtwa maingĩ ma ũnene, ta Mwene Hinya Wothe, Mũũmbi, na Mwathani. No rĩĩtwa rĩa Ngai rĩhũthĩrĩtwo makĩria ma maita 7,000 Bibilia-inĩ.
MACOKIO MA CIŨRIA CIA BIBILIA
Ngai arĩ Marĩĩtwa Maigana?
Andũ amwe meciragia atĩ Ngai akoragwo na marĩĩtwa matiganĩte ta ‘Allah,’ ‘Alifa na Omega,’ ‘El Shaddai,’ ‘Jehova-Jire,’ na mangĩ ta macio. Hihi nĩ kũmakanagia ũrĩa twĩtaga Ngai?
MACOKIO MA CIŨRIA CIA BIBILIA
Hihi Rĩĩtwa rĩa Ngai nĩ Jesu?
Gũtirĩ hĩndĩ Jesu eeĩtire Ngai Mwene-Hinya-Wothe. Nĩkĩ hihi?
