Macokio ma Ciũria cia Bibilia
Hihi no ũhote gũtaũkĩrũo nĩ Bibilia?
Bibilia nĩ Kiugo kĩa Ngai. Nĩ ta marũa moimĩte kũrĩ mũciari ũrĩ na wendo. (2 Timotheo 3:16) Thĩinĩ wa Bibilia, Ngai nĩ atarĩirie ũrĩa tũngĩka nĩguo tũmũkenie, kĩrĩa gĩtũmĩte etĩkĩrie waganu, na maũndũ marĩa arĩkĩra andũ mahinda marĩa mokĩte. No arutani a ndini nĩ mogometie ũrutani wa Bibilia; nĩ ũndũ ũcio andũ aingĩ mageciria matingĩhota gũtaũkĩrũo nĩyo o rĩ.—Atũmwo 20:29, 30.
Jehova Ngai endaga tũmenye ma ĩmwĩgiĩ, nĩkĩo atũheete ibuku tũngĩhota gũtaũkĩrũo nĩrĩo.
Nĩ kĩĩ kĩngĩgũteithia ũtaũkĩrũo nĩ Bibilia?
Makĩria ma gũtũhe Bibilia, Jehova nĩ atũheaga ũteithio nĩguo tũtaũkĩrũo nĩyo. Nĩ aatũmire Jesu atũrute. (Luka 4:16-21) Jesu aateithagia athikĩrĩria ake gũtaũkĩrũo nĩ Maandĩko na njĩra ya kwarĩrĩria mũhari ũmwe thutha wa ũrĩa ũngĩ.
Jesu aambĩrĩirie kĩũngano gĩa Gĩkristiano nĩgetha wĩra ũrĩa aambĩrĩirie ũthiĩ na mbere. (Mathayo 28:19, 20) Mahinda-inĩ maya, arũmĩrĩri a ma a Jesu nĩ mateithagia andũ gũtaũkĩrũo nĩ maũndũ marĩa Bibilia ĩrutanaga megiĩ Ngai. Angĩkorũo no wende gũtaũkĩrũo nĩ Bibilia, Aira a Jehova no makenere gũgũteithia.
Icunjĩ Ingĩ Hihi Ũngĩenda Gũthoma
MŨRANGĨRI
Ũteithio wa Gũtaũkĩrũo nĩ Bibilia
Angĩkorũo Bibilia yaandĩkirũo ũndũ tũngĩtaũkĩrũo-rĩ, ũrabatara ũteithio wa gũtaũkĩrũo nĩyo nĩkĩ?
ŨHORO WITŨ
Hoya Ũceererũo
Arĩrĩria ciũria cia Bibilia hamwe na mũndũ ũngĩ, kana wĩrute makĩria ũhoro wĩgiĩ Aira a Jehova.
MACOKIO MA CIŨRIA CIA BIBILIA
Ũngĩka Atĩa Nĩguo Ũtaũkĩrũo nĩ Bibilia?
Gũtekũmakania kũrĩa uumĩte, no ũtaũkĩrũo nĩ ndũmĩrĩri ya Ngai ĩrĩa ĩrĩ Maandĩko-inĩ.
ŨHORO WITŨ
Wagĩrĩirũo Kwĩruta Bibilia Nĩkĩ?—Video Yothe
Bibilia nĩ ĩcokagĩria andũ milioni nyingĩ mũno thĩinĩ wa thĩ ciũrĩa iria nditũ mũno ũtũũro-inĩ. Wee no wende gũcokerio ciũria icio?
