MACOKIO MA CIŨRIA CIA BIBILIA

Hihi Ngai athikagĩrĩria mahoya mothe?

Ngai athikagĩrĩria andũ kuuma mĩena yothe thĩinĩ wa thĩ. (Thaburi 145:18, 19) Kiugo gĩake Bibilia gĩtwĩkĩraga ngoro tũmwĩrage ũndũ o wothe ũrĩa ũtwĩgiĩ. (Afilipi 4:6, 7) No ningĩ nĩ kũrĩ mahoya matamũkenagia. Kwa ngerekano, kũhũhũta kana gũcokacokera mahoya gũtimũkenagia.—Thoma Mathayo 6:7.

Ningĩ, Jehova nĩ athũire mahoya ma andũ arĩa maregaga gwathĩkĩra kĩrĩra gĩake. (Thimo 28:9) Kwa ngerekano, Ngai nĩ aaregire gũthikĩrĩria Aisiraeli tondũ Bibilia yugaga atĩ moko mao maiyũrĩtwo nĩ thakame. Ma nĩ atĩ, no mũhaka tũkinyanĩrie ikĩro cia Ngai nĩguo atũigue.—Thoma Isaia 1:15.

Twagĩrĩire gwĩka atĩa nĩguo Ngai atũigue?

Gũtingĩhoteka kwaria na Ngai tũtarĩ na wĩtĩkio. (Jakubu 1:5, 6) No mũhaka tũkorũo na wĩtĩkio mũrũmu atĩ Ngai arĩ kuo na nĩ atũrũmbũyagia. No tũrũmie wĩtĩkio witũ na njĩra ya gũthoma Bibilia, tondũ wĩtĩkio wa ma wĩhocetie harĩ ũira na ciĩranĩro cia Ngai iria irĩ thĩinĩ wayo.—Thoma Ahibirania 11:1, 6.

Twagĩrĩire kũhoya twĩnyihĩtie kuuma ngoro thĩinĩ. O na Jesu mũrũ wa Ngai aarĩ mwĩnyihia mahoya-inĩ. (Luka 22:41, 42) Kwoguo handũ ha kwĩra Ngai maũndũ marĩa agĩrĩire gwĩka, tũbataire kwĩrutanĩria nĩguo tũtaũkĩrũo nĩ ikĩro ciake na njĩra ya gũthoma Bibilia. Tweka ũguo no tũhote kũhoya kũringana na wendi wake.—Thoma 1 Johana 5:14.

Nĩguo wone ũhoro makĩria rora gĩcunjĩ gĩa 17 kĩa ibuku rĩrĩ, rĩrĩa Bibilia ĩrutanaga atĩa kũna? rĩcabĩtwo nĩ Aira a Jehova

No ũrĩrute thĩinĩ wa www.pr418.com/ki

[Mbica karatathi ka 16]

Nĩkĩ Ngai no age gũthikĩrĩria mahoya mamwe?