Andũ milioni nyingĩ nĩ makuaga o mwaka nĩ ũndũ wa kwaga irio cia kũigana na mĩrimũ ĩrĩa yumanaga na ũthĩni. O na gũtuĩka icigo imwe cia thĩ nĩ irĩ ũtonga, andũ aingĩ makoragwo marĩ athĩni mũno. Bibilia yonanagia atĩ ũthĩni nĩ ũndũ ũkoretwo kuo harĩ andũ.—Thoma Johana 12:8.

Nĩguo ũthĩni ũthire, tũngĩbatara thirikari ya thĩ ĩrĩ na ũhoti wa kũgayania indo iria irĩ thĩinĩ wa thĩ na njĩra ya kĩhooto harĩ andũ othe. Ningĩ thirikari ĩyo no mũhaka ĩngĩniina mbaara, tondũ nĩ irehaga ũthĩni na njĩra nene. Ngai nĩ atwĩrĩire thirikari ta ĩyo.—Thoma Danieli 2:44.

Ngai nĩ aamũrĩte Jesu, Mũrũ wake, aathage andũ othe. (Thaburi 2:4-8) Jesu nĩ akaahonokia andũ arĩa athĩni na aniine maũndũ mothe ma kũhinyanĩrĩria na ma ũhinya.—Thoma Thaburi 72:8, 12-14.

Arĩ “Mũnene-wa-Thayũ” ũrĩa warathĩtwo, Jesu nĩ akaarehe thayũ na ũgitĩri thĩinĩ wa thĩ. Hĩndĩ ĩyo andũ othe thĩinĩ wa thĩ magaikaraga mĩciĩ-inĩ yao, magĩkenagĩra wĩra wao, na marĩ na irio nyingĩ.—Thoma Isaia 9:6, 7; 65:21-23.