Hihi Wee nĩ Ũtaũkagĩrũo?
Kairĩtu kamwe ka mĩaka ĩna nĩ koonire ndogo ĩkiuma kĩganda-inĩ, ĩgacoka yatherema ĩkahaana ta itu inene. Geeciririe atĩ kĩganda kĩu kĩarĩ gĩa gũthondeka matu. Kwaga gũtaũkĩrũo nĩ kaũndũ ta kau harĩ kaana kanini no kuoneke kũrĩ ũndũ wa mathekania. O na kũrĩ ũguo, tũngĩaga gũtaũkĩrũo nĩ maũndũ marĩa ma bata ũtũũro-inĩ witũ, no tũgĩe na moimĩrĩro moru. Kwa ngerekano, mũndũ angĩthoma ũrĩa ndawa yagĩrĩirũo kũnyuo na aage gũtaũkĩrũo, moimĩrĩro maahota gũkorũo marĩ moru.
Kwaga gũtaũkĩrũo nĩ maũndũ ma kĩĩroho no gũkorũo kũrĩ ũgwati mũnene o na makĩria. Kwa ngerekano, andũ amwe matiataũkagĩrũo nĩ maũndũ marĩa Jesu aarutanaga. (Johana 6:
Hihi wee nĩ ũthomaga Bibilia nĩguo ĩgũtongorie? Nĩ wĩkaga wega. No hihi no hakorũo na ũgwati ũngĩthoma ũndũ wage gũtaũkĩrũo? Andũ aingĩ nĩ macemanagia na ũndũ ũcio. Ta reke twarĩrĩrie maũndũ matatũ andũ matataũkagĩrũo nĩmo.
-
Andũ aingĩ matitaũkagĩrũo nĩ watho ũrĩa ũkoragwo thĩinĩ wa Bibilia ũrĩa ugaga, “Wĩtigĩre Ngai [ũrĩa wa ma].” Meciragia atĩ magĩrĩirũo gũkorũo na guoya mũnene mũno harĩ Ngai. (Kohelethu 12:13) No Ngai ndendaga arĩa mamũthathayagia mamwĩtigĩre na njĩra ta ĩyo. Oigĩte ũũ: “Tiga gwĩtigĩra, nĩ gũkorũo ndĩ hamwe nawe; menya ũmake nĩ ũndũ niĩ nĩ niĩ Ngai waku; nĩngũkuongerera hinya waku, ĩĩ, ti-itherũ nĩndĩĩgũteithagia.” (Isaia 41:10) Kwoguo gwĩtigĩra Ngai nĩ kũmũhe gĩtĩo kĩnene.
-
Hihi thĩ nĩ ĩgaacinwo na mwaki?
Andũ aingĩ matitaũkagĩrũo nĩ ciugo ici cia Bibilia: “Kĩndũ o gĩothe kĩrĩ na ihinda rĩakĩo, . . . hĩndĩ ya gũciarũo, o na hĩndĩ ya gũkua.” Ũndũ ũcio ũtũmaga moige atĩ ngirabu ya mũndũ nĩ njore. (Kohelethu 3:
1, 2) O na kũrĩ ũguo, mũhari ũcio ũkoragwo ũkĩaria ũhoro wa ũtũũro wa mũndũ na ũkonania atĩ tũtingĩhota gwĩthema gĩkuũ. Ningĩ Bibilia nĩ ĩtũrutaga atĩ matua marĩa tũtuaga no mahutie ũtũũro witũ wothe. Kwa ngerekano, nĩ yugaga ũũ: “Gwĩtigĩra Jehova nĩkuongererithagia mũndũ matukũ.” (Thimo 10:27; Thaburi 90:10; Isaia 55:3) Na njĩra ĩrĩkũ? Kwa ngerekano, tũngĩhe Kiugo kĩa Ngai gĩtĩo, ũndũ ũcio no ũtũteithie gwĩthema maũndũ ta ũrĩu na mĩtugo ĩngĩ mĩũru. —1 Akorintho 6: 9, 10. -
Andũ amwe meciragia atĩ rĩrĩa Bibilia ĩkuuga atĩ igũrũ na thĩ “ciigĩirũo mwaki,” ĩkoragwo ĩkiuga Ngai nĩ akaaniina igũrũ rĩo rĩene na thĩ ĩno tũikaraga. (2 Petero 3:7) No Ngai nĩ eranĩire atĩ ndarĩ hĩndĩ agetĩkĩra thĩ ĩno ĩniinwo. Ngai “aamĩakĩrĩire igũrũ rĩa itina ciayo, ndĩkae gũkenyenyeka o na tene.” (Thaburi 104:5; Isaia 45:18) Thĩ ĩno tũikaraga tiyo ĩkaniinwo, no maũndũ moru marĩa marekĩka thĩinĩ wayo nĩmo makaniinwo mathire biũ ta arĩ gũcinwo na mwaki. Rĩrĩa kiugo igũrũ kĩagwetwo, no akorũo nĩ igũrũ rĩrĩa rĩkoragwo na njata kana kũrĩa Ngai aikaraga. No kũu gũtikaniinwo.
NĨ KĨĨ GĨTŨMAGA RĨMWE ANDŨ MAGE GŨTAŨKĨRŨO NĨ BIBILIA?
Ũngĩrora ngerekano icio twarĩrĩria, nĩ ũkuona atĩ andũ aingĩ matitaũkagĩrũo nĩ maũndũ marĩa mathomaga Bibilia-inĩ. No Ngai angĩtĩkĩria ũndũ ta ũcio nĩkĩ? Andũ amwe no mecirie ũũ: ‘Angĩkorũo Ngai nĩwe mũũgĩ mũno na nĩwe ũĩ maũndũ mothe-rĩ, githĩ ndangĩagĩtũheire ibuku rĩandĩkĩtwo na njĩra hũthũ ũndũ andũ othe mangĩhota gũtaũkĩrũo nĩrĩo? Aagire gwĩka ũguo nĩkĩ?’ Ta reke tuone itũmi ithatũ itũmaga andũ mage gũtaũkĩrũo nĩ Bibilia.
-
Andũ arĩa enyihia na meharĩirie kwĩruta no o tu mangĩtaũkĩrũo nĩ Bibilia. Jesu eerire Ithe ũũ: “Awa, Mwathani wa igũrũ na thĩ, ndĩrakũgooca Luka 10:21) Bibilia yandĩkirũo na njĩra ĩngĩhota gũtaũkĩka harĩ andũ o arĩa tu marĩ na mwerekera ũrĩa wagĩrĩire. Andũ arĩa marĩ mwĩtĩo, ũrĩa kaingĩ ũkoragwo na andũ “arĩa ogĩ na marĩ ũmenyo,” nĩ magaga gũtaũkĩrũo nĩ Bibilia. No andũ arĩa makoragwo na mwerekera wa kwĩnyihia na kwenda kwĩruta ta ũrĩa ũkoragwo na “ciana nyinyi,” nĩ mataũkagĩrũo nĩ ndũmĩrĩri ya Bibilia. Na githĩ Ngai ndaakĩandĩkithirie Bibilia na njĩra ya mwanya mũno!
mbere ya andũ, nĩ tondũ maũndũ maya nĩ ũmahithĩte biũ andũ arĩa ogĩ na marĩ ũmenyo, ũkamaguũrĩria ciana nyinyi.” ( -
Bibilia yandĩkĩirũo andũ arĩa mehokaga Ngai nĩguo amateithie mataũkĩrũo nĩyo. Jesu onanirie atĩ andũ nĩ maabataraga ũteithio nĩguo mataũkĩrũo nĩ maũndũ marĩa aarutanaga. Mangĩarutire ũteithio ũcio kũ? Jesu aatarĩirie ũũ: “No mũteithia, roho mũtheru, ũrĩa Awa agaatũma na rĩĩtwa rĩakwa, nĩ ũkaamũruta maũndũ mothe na ũmũririkanie maũndũ mothe marĩa ndĩmwĩrĩte.” (Johana 14:26) Kwoguo Ngai nĩ aheaga andũ roho wake mũtheru nĩguo mataũkĩrũo nĩ ũhoro ũrĩa marathoma Bibilia-inĩ. O na kũrĩ ũguo, Ngai ndaheaga andũ arĩa matamwĩhokaga roho wake, na nĩkĩo gĩtũmaga kaingĩ mage gũtaũkĩrũo nĩ Bibilia. Ningĩ roho mũtheru nĩ ũtongoragia Akristiano arĩa marĩ na ũũgĩ wa Kĩĩmaandĩko nĩguo mathiĩ mateithie arĩa marenda gũtaũkĩrũo nĩ Maandĩko.
—Atũmwo 8: 26-35. -
Kũrĩ maũndũ mamwe marĩ thĩinĩ wa Bibilia matangĩtaũkĩka ihinda rĩrĩa rĩagĩrĩire rĩtakinyĩte. Kwa ngerekano, mũnabii Danieli nĩ eerirũo aandĩke ndũmĩrĩri ĩgiĩ maũndũ mataahanĩkĩte. Eerirũo ũũ nĩ mũraika: “Nowe Danieli-rĩ, ndeto iria nyandĩke ibuku-inĩ, ũcihingĩre ho na ũcicinĩrĩre mũhũri, o nginya hĩndĩ ĩrĩa ithirĩro rĩgakinya.” Andũ aingĩ nĩ makoretwo magĩthoma ibuku rĩa Danieli kwa ihinda rĩa mĩaka mĩingĩ, no matitaũkagĩrũo nĩrĩo. Ũrĩa kũrĩ nĩ atĩ o na Danieli ndaataũkagĩrũo nĩ maũndũ mamwe aandĩkaga. Oigire ũũ arĩ na wĩnyihia: “Ngĩkĩigua maũndũ macio, no ndigana kũmenya gĩtũmi kĩamo.” O na kũrĩ ũguo, andũ nĩ mangĩataũkĩirũo nĩ ũrathi ũcio wa Danieli ihinda rĩa Ngai rĩrĩa rĩagĩrĩire rĩakinya. Mũraika ũcio aamũtarĩirie ũũ: “Wĩthiĩre, wee Danieli, amu ndeto icio nĩ hingĩre na igacinĩrĩrũo mũhũri, nĩ getha ciikare o nginya hĩndĩ ĩrĩa ithirĩro rĩgakinya.” Nĩa mangĩataũkĩirũo nĩ ndũmĩrĩri ya Ngai? “Hatirĩ o na ũmwe wao [andũ arĩa aganu] ũkamenya gĩtũmi kĩa maũndũ macio; no andũ arĩa ogĩ nĩ makamamenya.” (Danieli 12:
4, 8-10) Kwoguo, Ngai ndaguũragia maũndũ mamwe marĩa marĩ Bibilia-inĩ nginya ihinda rĩrĩa rĩagĩrĩire rĩkinye.
Hihi kũrĩ hĩndĩ Aira a Jehova marĩ makorũo mategũtaũkĩrũo wega nĩ Bibilia? Ĩĩ. No rĩrĩa ihinda rĩrĩa rĩagĩrĩire rĩakinyire, Ngai nĩ aamateithirie magĩtaũkĩrũo. Kwoguo Aira a Jehova metĩkĩtie atĩ megerekanagia na atũmwo arĩa maakoragwo meharĩirie kũgarũrĩra mawoni mao rĩrĩa rĩothe Jesu angĩamarũngire.
Rĩrĩa kairĩtu kanini kaaga gũtaũkĩrũo nĩ kũrĩa matu moimaga, kau no gakorũo karĩ o kaũndũ kanini tu. O na kũrĩ ũguo, maũndũ marĩa Bibilia ĩrutanaga nĩ ma bata mũno harĩ wee. Ndũmĩrĩri ya Bibilia ĩkoragwo ĩrĩ ya bata mũno, na kwoguo mũndũ ndagĩrĩirũo kũgeria gũtaũkĩrũo nĩyo arĩ wiki. Nĩ ũndũ ũcio, caria ũteithio nĩguo ũtaũkĩrũo nĩ kĩrĩa ũrathoma. Caria andũ arĩa merutaga Bibilia marĩ na wĩnyihia, mehokaga roho mũtheru wa Ngai nĩguo mataũkĩrũo nĩ Bibilia, na makoragwo na ma biũ atĩ matukũ maya tũratũũra Ngai nĩ arenda andũ mataũkĩrũo nĩ Bibilia gũkĩra hĩndĩ ĩngĩ o yothe. Aranĩria na Aira a Jehova kana ũthome ũhoro ũthuthurĩtio wega ũrĩa ũkoragwo thĩinĩ wa website yao ya jw.org/ki. Bibilia ĩranĩire ũũ: ‘Akorũo nĩũgũtuĩka wa kwanĩria kana gũcaria ũũgĩ wa kũhota gũkũũrana maũndũ, nĩ ũgũkinyĩrĩra kũmenya Ngai.’