Hihi ũngiuga atĩa?

• Ĩĩ

• Aca

• No gũkorũo

Ũrĩa Bibilia yugaga

“Kũrogira Mũrungu angĩĩka ũndũ mwaganu! Mwene-Hinya-rĩ, kũrogira angĩĩka ũndũ wa wogogi!” (Ayubu 34:10) Ngai ndarehaga mathĩna na maũndũ moru marĩa tuonaga thĩinĩ wa thĩ.

Nĩ atĩa ũngĩ tũngĩĩruta kuuma Bibilia-inĩ?

• Shaitani nĩwe “mũnene wa thĩ ĩno,” na nĩwe ũrehaga mathĩna.—Johana 14:30.

• Ningĩ mathĩna o hamwe na maũũru kaingĩ nĩ mokaga nĩ ũndũ wa andũ gũtua matua matarĩ mega.—Jakubu 1:14, 15.

Andũ amwe metĩkĩtie atĩ andũ mangĩnyitanĩra hamwe no mahote kweheria mathĩna, nao angĩ makona atĩ no hinya mathĩna mathire. We ũgwĩciria atĩa?

Ũrĩa Bibilia yugaga

Ngai nĩ akeheria mathĩna mothe mathire. “Gĩkuũ gĩtigacoka gũkorũo kuo rĩngĩ, o na kĩeha kana kĩrĩro kana ruo.”—Kũguũrĩrio 21:3, 4.

Nĩ atĩa ũngĩ tũngĩĩruta kuuma Bibilia-inĩ?

• Ngai akaahũthĩra Jesu kweheria mathĩna mothe marĩa marehagwo nĩ Mũcukani.—1 Johana 3:8.

• Andũ arĩa ega magatũũra tene na tene gũkũ thĩ marĩ na thayũ.—Thaburi 37:9-11, 29.