Ũrĩa Ũthamaki wa Ngai Ũgeeka Igũrũ Rĩgiĩ Mathĩna ma Kĩĩmbeca
Andũ aingĩ thĩinĩ wa thĩ nĩ mararitũhĩrũo nĩ kuona mbeca cia kũigana mabataro mao ma o mũthenya, na thĩna ũcio ũrathiĩ o ũnenehete.
Kũringana na riboti a ĩmwe ya ica ikuhĩ ya thĩ yothe, mbeca iria andũ marathũkũma irathiĩ inyihĩtie ũhoti wacio. Riboti ĩyo yugĩte atĩ kũngĩaga kuoywo ikinya, ũtiganu wa itonga na athĩni ũgũkorũo ũrĩ mũnene mũno, na mũtũũrĩre wa aruti wĩra aingĩ na famĩlĩ ciao ũcoke thĩ.
Hihi thirikari no ihote kũrũa na mathĩna ma kĩĩmbeca marĩa marathiĩ mongererekete, kana ihote kũmatooria?
Bibilia ĩtaarĩirie atĩ nĩ harĩ thirikari ĩrĩ na ũhoti ĩrĩa ĩrĩniina mathĩna mothe ma kĩĩmbeca, na yeherie ũtiganu wa itonga na athĩni. Yugĩte atĩ “Ngai wa igũrũ nĩ akaahanda ũthamaki,” kana thirikari ĩmwe ĩrĩa ĩkaaramata maũndũ mothe thĩinĩ wa thĩ. (Danieli 2:44) Rungu rwa thirikari ĩyo ya thĩ yothe, gũtirĩ mũndũ o na ũmwe ũkaariganĩra kana atiganĩrio. (Thaburi 9:18) Ũthamaki wa Ngai nĩ ũgaatigĩrĩra atĩ raiya aguo othe marĩ na kĩrĩa marabatara nĩguo matũũre na gĩkeno. Andũ othe nĩ magaakenagĩra maumĩrĩro mega ma wĩra wao.—Isaia 65:21, 22.
a Riboti ya Ũhũthĩri wa Mbeca Thĩinĩ wa Thĩ ya Kĩama kĩa Aruti a Wĩra gĩa Kĩĩmabũrũri (International Labour Organization Global Wage Report) ya 2022-23
Icunjĩ Ingĩ Hihi Ũngĩenda Gũthoma
ICUNJĨ INGĨ
Hihi Kũrĩ Hĩndĩ Mathĩna ma Kĩĩmbeca Magaathira?
Nĩ kũrĩ thirikari ĩgaatongoria maũndũ mothe thĩinĩ wa thĩ na njĩra nginyanĩru, yeherie biũ ũthĩni na mathĩna ma kĩĩmbeca.
MORUTANI MA BATA MA BIBILIA
Ũthamaki wa Ngai nĩ Kĩĩ?
Hĩndĩ ĩrĩa Jesu aahunjagia gũkũ thĩ, aarutanaga ũhoro wĩgiĩ Ũthamaki wa Ngai makĩria ya ũndũ ũngĩ o wothe. Kwa ihinda rĩa mĩaka magana maingĩ, arũmĩrĩri ake makoretwo makĩhoya Ũthamaki ũcio ũũke.
ŨHORO WITŨ
Hoya Ũceererũo
Arĩrĩria ciũria cia Bibilia hamwe na mũndũ ũngĩ, kana wĩrute makĩria ũhoro wĩgiĩ Aira a Jehova.
