•   “Hakuhĩ nuthu ya andũ agima bũrũri-inĩ wa Amerika (US) nĩ maugĩte atĩ nĩ mahiũranagia na ihooru, na aingĩ ao nĩ arĩa marĩ na mĩaka 18 nginya 25.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “Kĩama kĩa Ũgima wa Mwĩrĩ gĩa Thĩ (WHO) nĩ kĩanĩrĩire atĩ nĩ kĩamũrĩte gĩkundi kĩa andũ kĩrĩa kĩrĩteithagĩrĩria andũ kuona atĩ ihooru nĩ thĩna wa mwĩrĩ ũrabatara kuoerũo ikinya rĩa na ihenya, na gĩkĩre andũ ngoro gũthondeka ũrata na andũ arĩa angĩ, na gĩcarie njĩra ingĩ njega cia kũrigita thĩna ũcio mabũrũri-inĩ mothe, gũtekũmakania ũhoti wamo wa kĩĩmbeca.”—World Health Organization, Novemba 15, 2023.

 Bibilia nĩ ĩkoragwo na ũtaaro ũngĩtũteithia gũthondeka ũrata mwega na andũ arĩa angĩ, ũndũ ũrĩa ũngĩtũteithia kwaga kũigua ihooru.

 Nyihanyihia maũndũ marĩa matũmaga wage gũkorũo hamwe na andũ arĩa angĩ. Maũndũ macio nĩ ta kũhũthagĩra mahinda maingĩ nenda-inĩ cia ũkinyanĩria. Handũ ha ũguo, caragia mĩeke ya kũhũthagĩra mahinda hamwe na andũ arĩa angĩ na gũthondeka arata a ma.

•   Ũtaaro wa Bibilia: “Mũrata wa ma onanagia wendo hingo ciothe, na aciarĩtwo atuĩke mũrũ wa nyina na mũndũ hĩndĩ ya mĩtangĩko.”—Thimo 17:17.

 Caragia mĩeke ya gũteithia andũ arĩa angĩ. Gwĩkĩra andũ arĩa angĩ maũndũ ma ũtugi nĩ gũtũmaga ũrata ũrũme na gũgatũma mũndũ aigue akenete.

•   Ũtaaro wa Bibilia: “Kũheana nĩ kũrĩ gĩkeno kĩnene gũkĩra kwamũkĩra.”—Atũmwo 20:35.

 No ũingĩre thĩinĩ wa website itũ nĩguo wone ũhoro ũngĩ wa bata kuuma Bibilia-inĩ ũngĩgũteithia gũthondeka arata ega.