Kũringana na Kĩama kĩa Ũgima wa Mwĩrĩ gĩa Thĩ, gũkinyĩria Mĩĩ 23, 2022, andũ milioni 6.27 nĩ maakuĩte kuumana na mũrimũ wa Korona. O na kũrĩ ũguo, kũringana na mohoro marĩa maacabithirio Mĩĩ 5, 2022, Kĩama kĩu kĩegereirie atĩ andũ arĩa makuĩte kuumana na mũrimũ ũcio nĩ aingĩ gũkĩra ũguo. Kĩaugire atĩ mwaka-inĩ wa 2020 na 2021, “andũ arĩa mooragirũo nĩ mũrimũ wa Korona na njĩra ya ĩmwe kwa ĩmwe kana ĩtarĩ ya ĩmwe kwa ĩmwe . . . maarĩ ta milioni 14.9.” Hihi Bibilia ĩkoragwo na mawoni marĩkũ igũrũ rĩgiĩ maũndũ ta macio ma kũmakania?

•    Jesu nĩ aarathĩte atĩ nĩ kũngĩkagĩa na “mĩrimũ mĩũru” ĩratherema na ihenya, ihinda-inĩ rĩrĩa rĩtagwo ‘matukũ ma kũrigĩrĩria.’—Luka 21:11; 2 Timotheo 3:1.

 Ũrathi ũcio wa Jesu nĩ ũrahinga ũmũthĩ. Nĩguo wĩrute makĩria, thoma gĩcunjĩ kĩrĩ na kĩongo “Ni Nini Ishara ya ‘Siku za Mwisho’?”

•    “Ngai mwene ũhoro wothe wa kũũmanĩrĩria,” nĩwe “ũtũũmagĩrĩria magerio-inĩ maitũ mothe.”—2 Akorintho 1:3, 4.

 Andũ aingĩ arĩa makuĩrĩirũo nĩ endwa ao nĩ momĩrĩirio nĩ ndũmĩrĩri ya Bibilia. Nĩguo wĩrute makĩria, thoma gĩcunjĩ gĩa “Kũhiũrania na Kĩeha gĩa Gũkuĩrũo—Ũrĩa Ũngĩka Ihinda-inĩ Rĩu” na kĩa “Ũteithio Ũrĩa Mwega Biũ Harĩ Arĩa Makuĩrĩirũo.”

•    “Ũthamaki waku nĩ ũũke. Wendi waku nĩ wĩkwo gũkũ thĩ o ta kũu igũrũ.”—Mathayo 6:10.

 Ica ikuhĩ, “Ũthamaki wa Ngai” nĩ ũgũtigĩrĩra atĩ “gũtirĩ [mũndũ] ũkoiga: ‘Ndĩ mũrwaru.’” (Mariko 1:14, 15; Isaia 33:24) Nĩguo wone ũhoro wĩgiĩ thirikari ĩyo ya igũrũ na maũndũ marĩa ĩgeeka, wĩrorere video ya Ũthamaki wa Ngai nĩ Kĩĩ?

 Tũrakũũria wĩrute makĩria ũrĩa Bibilia yugaga nĩguo mũrĩ hamwe na famĩlĩ yaku mũgunĩke nĩ motaaro mayo ma ũũgĩ na ciĩranĩro ciayo cia magegania.