Kĩambĩrĩria-inĩ kĩa Julaĩ 2020, kwarĩ na mbura nene bũrũri-inĩ wa Japan, ĩrĩa yatũmire kũgĩe na mũiyũro na matuĩka taũni-inĩ ya Kyushu. Gĩcanjama kĩu, makĩria kĩahutirie aarĩ na ariũ a Ithe witũ a taũni ya Minamata na Hitoyoshi thĩinĩ wa Gĩcigo gĩa Kumamoto na taũni ya Omuta thĩinĩ wa Gĩcigo kĩa Fukuoka. Gũtirĩ Mũira wa Jehova woragirũo nĩ gĩcanjama kĩu, no mũrũ wa Ithe witũ ũmwe na mwarĩ wa Ithe witũ ũmwe nĩ maaguraririo hanini. Makĩria ma ũguo, mũiyũro ũcio waanangire mĩciĩ 48 ya ariũ a Ithe witũ, na Nyũmba igĩrĩ cia Ũthamaki. Kũrĩ na Nyũmba ingĩ igĩrĩ cia Ũthamaki ciathũkangirio nĩ matuĩka.

Kamĩtĩ ya Gũteithĩrĩria Hĩndĩ ya Icanjama ya Kyushu/Okinawa ĩrĩa wabici ya rũhonge yaamũrire kũheana ũteithio hĩndĩ ya COVID-19, nĩ ĩrabanga ũrĩa ĩkũheana ũteithio kũrĩ arĩa magũmĩirũo nĩ mũiyũro. Rũhonge rwa Gũcora/Mĩako rwa kũu na arori a mũthiũrũrũko a gĩcigo kĩu nĩ maraheana ũteithio ũrĩa ũrabatarania na ihenya.

Tũrahoya atĩ Jehova, “Ngai o ũcio ũheanaga ũkirĩrĩria na akomanĩrĩria” nĩ egũthiĩ na mbere gũteithia aarĩ na ariũ a Ithe witũ arĩa magũmĩirũo nĩ gĩcanjama kĩu.—Aroma 15:5.