Mũũmbi witũ aaigire mawatho ma gũtongoria kĩhiko, ihinda iraihu mbere ya thirikari ciambĩrĩirie gũthondeka mawatho megiĩ kĩhiko. Ibuku rĩa kĩambĩrĩria riugaga ũũ: “Mũndũrũme nĩ agaatiga ithe na nyina manyitane na mũtumia wake, nao matuĩke mwĩrĩ ũmwe.” (Kĩambĩrĩria 2:24) Kũringana na ibuku rĩtagwo Vine’s Expository Dictionary of Biblical Words, kiugo gĩa Kĩhibirania kĩrĩa gĩtaũrĩtwo “mũtumia,” kiugĩte “mũndũ mũthemba wa mũtumia.” Jesu nĩ eekĩrire ũndũ ũcio mũkonde akiuga atĩ arĩa manyitithanagio hamwe kĩhiko-inĩ magĩrĩirũo gũkorũo marĩ “mũndũrũme na mũtumia.”—Mathayo 19:4.

 Kwoguo, muoroto wa Ngai harĩ kĩhiko warĩ gĩkorũo kĩrĩ ngwatanĩro ya gũtũũra gatagatĩ ka mũthuri na mũtumia. Arũme na atumia mombĩtwo ũndũ o ũmwe wao angĩhota kũhingĩria ũcio ũngĩ mabataro ma ngoro, bata wa kĩhiko, na magĩe ciana.