JW LIBRARY
Ruta na Ũbange Bibilia—Android
Gũthoma na kwĩruta Bibilia nĩ gĩcunjĩ kĩa bata kĩa JW Library.
Rũmĩrĩra maũndũ maya nĩguo wĩkĩre Bibilia thimĩ-inĩ yaku na ũcihũthĩre:
Ruta Bibilia
Tharia Bibilia
Erũhia Bibilia
Ruta Bibilia
No ũrute Bibilia nĩgetha ũcithomage o na rĩrĩa ũtarĩ intaneti-inĩ.
Hingũra ndiroo ya indo iria irĩ ho na ũhutie Bibilia nĩgetha wone mabuku ma Bibilia.
Hutia mbatoni ya Thiomi nĩguo wone Bibilia iria irĩ ho. Bibilia cia thiomi iria ũhũthagĩra kaingĩ nĩcio ũkuona mbere. No wethe Bibilia ya rũthiomi rũngĩ kana ũtaũri ũngĩ ũngĩandĩka rĩĩtwa rwayo kana rũthiomi rũu. Kwa ngerekano, andĩka “int” nĩguo wethe Bibilia ya Kingdom Interlinear ya Gĩthũngũ, kana “port” nĩguo wethe Bibilia ciothe cia rũthiomi rwa Portuguese.
Bibilia iria ũtekĩrĩte thimu-inĩ yaku cionanagio na karũũri ga itu. Hutia Bibilia ta ĩyo nĩguo ũmĩkĩre thimũ-inĩ yaku. Bibilia ĩyo yaingĩra thimũ-inĩ kana tablet-inĩ yaku, karũũri kau gakehera. Hutia Bibilia ĩyo rĩngĩ nĩguo ũmĩthome.
Ũngĩaga Bibilia ĩrĩa ũgwethaga, mĩrore mũthenya ũngĩ. Bibilia nyingĩ nĩ ciongagĩrĩrũo o ũrĩa irataũrũo.
Tharia Bibilia
No ũtharie Bibilia angĩkorũo ndũramĩbatara rĩngĩ, kana angĩkorũo thimũ yaku ĩrĩ na indo nyingĩ na ĩrĩ hakuhĩ kũiyũra.
Hingũra ndiroo ya indo iria irĩ ho na ũhutie Bibilia, ũcoke ũhutie mbatoni ya Thiomi nĩguo wone Bibilia iria irĩ ho. Hutia mbatoni ya Makĩria ĩrĩa ĩrĩ hakuhĩ na Bibilia ĩyo ũrend gũtharia, ũcoke ũhutie Tharia.
Erũhia Bibilia
Thutha wa kahinda, Bibilia imwe wĩkĩrĩte thimũ-inĩ yaku no ciongererũo maũndũ merũ.
Bibilia ĩngĩkorũo yerũhĩtio, nĩ ĩkoragwo ga karũũri ha tũmĩgwĩ twĩrĩ. Wahutia Bibilia ĩyo, nĩ ũkuona ndũmĩrĩri ĩrakwĩra atĩ nĩ yerũhĩtio. Hutia mbatoni ya Ruta nĩguo wĩkĩre ĩyo njerũ, kana ũhutie ya Thutha-inĩ nĩguo ũthome ĩyõ ũrĩ nayo gwa kahinda kau.
Maũndũ maya marutirũo Februarĩ 2015 thĩinĩ wa JW Library 1.4, ĩrĩa ĩhũthagĩra Android 2.3 kana ĩngĩ njerũ gũkĩra ĩyo. Angĩkorũo ndũrona maũndũ maya twageta, ũkũũrio ũrũmĩrĩrĩre ũtaaro ũrĩa ũrĩ thĩinĩ wa gĩcunjĩ kĩa “Ambĩrĩria Kũhũthĩra JW Library—Android,” rungu rwa Gĩa na Maũndũ ma Ica Ikuhĩ.
