JW LIBRARY
Kururĩra Ũhoro—Android
Rĩrĩa ũrathoma mabuku thĩinĩ wa JW Library, no ũhote kũhaarĩria gacunjĩ kĩrĩa ũrathoma na njĩra ya gwĩkĩra rangi.
Rũmĩrĩra maũndũ maya nĩguo ũhote gwĩkĩra rangi ũgĩthoma:
Ĩkĩra Rangi Ciugo Ingĩ
Cenjia harĩa Ũgwĩkĩrĩte Rangi
Ĩkĩra Rangi Ciugo Ingĩ
Gũkoragwo na njĩra igĩrĩ cia gwĩkĩra rangi.
Njĩra ya mbere nĩ kũhutia kiugo ũtekweheria kaara nĩguo ũthuure ciugo. Ũcoke ũkururie tũnyamũ tũrĩa tũkumĩra kiugo-inĩ kĩu gũthuura ciugo iria ũrenda. Hutia karũũri ka mwena wa ũmotho thĩinĩ wa gathandũkũ karĩa gekumĩra na ũthuure rangi ũrĩa ũrenda.
Njĩra ya kerĩ nĩ kũhutia kiugo ũtekweheria kaara ucoke ũgakururie nginya harĩa ũrenda. Ciugo icio nĩ igũthiĩ igĩĩte rangi o ũrĩa ũgũthiĩ ũkururĩtie kaara. Warĩkia gwĩkĩra rangi, gathandũkũ nĩ gekumĩra hau igũrũ. No ũkahũthĩre gũcenjia rangi kana gũtharia harĩa wĩkĩrĩte rangi.
Cenjia harĩa Ũgwĩkĩrĩte Rangi
Nĩguo ũcenjie rangi, hutia ciugo iria wĩkĩrĩte rangi, ũcoke ũthuure rangi ũrĩa ũrenda gathandũkũ-inĩ. Ũngĩenda kweheria rangi, hutia ciugo iria wĩkĩrĩte rangi, ũcoke ũhutie karũũri ka Tharia kana Delete.
Maũndũ maya marutirũo November 2015 thĩinĩ wa JW Library 1.6, ĩrĩa ĩhũthagĩra Android 4.0 kana ĩngĩ njerũ gũkĩra ĩyo. Angĩkorũo ndũrona maũndũ maya twageta, ũkũũrio ũrũmĩrĩrĩre ũtaaro ũrĩa ũrĩ thĩinĩ wa gĩcunjĩ kĩa “Ambĩrĩria Kũhũthĩra JW Library—Android,” rungu rwa Gĩa na Maũndũ ma Ica Ikuhĩ.
