JW LIBRARY
Thuura Ũrĩa Ũrĩendaga Ciugo Ciikare Ũgĩthoma—Android
Programu ya JW Library nĩ ĩthondeketwo ũndũ ĩngĩgũteithia ũthome mabuku na njĩra hũthũ. Icunjĩ cia gũgũteithia gwĩka ũguo ikoragwo harĩa igũrũ gĩcicio-inĩ gĩa thimũ kana tablet yaku hĩndĩ ciothe ũgĩthoma kĩndũ thĩinĩ wa JW Library.
No ũbatare kũhutia karũũri karĩa karĩ mwena wa ũrĩo harĩa igũrũ biũ nĩguo wone icunjĩ icio.
Hũthĩra maũndũ maya nĩguo ũbange ũrĩa ũrĩendaga ciikare:
Cenjia Rũthiomi
Cenjia Ndemwa
Rora Mbica kana Ciugo
Hingũra thĩinĩ wa. . .
Thuura Bibilia Iria Wendaga
Cenjia Rũthiomi
No ũhote gũcenjia rũthiomi rwa gĩcunjĩ kĩrĩa ũrathoma.
Hutia karũũri ga Thiomi kana Languages nĩguo wone thiomi ciothe iria irĩ na gĩcunjĩ kĩrĩa ũrathoma. Thiomi iria ũhũthagĩra kaingĩ nĩcio cionekaga irĩ cia mbere. Watchtower ya Gĩthũngũ kĩhũthie o nayo nĩ yonekaga ho. O na no wethe rũthiomi rũrĩa ũrenda ũngĩandĩka rĩĩtwa rĩa rũthiomi.
Thiomi iria ũtarutĩte ikoragwo na karũũri ga itu. Hutia rũthiomi nĩguo ũrute ibuku na rũthiomi rũu. Waruta ibuku rĩu, rũũri rũu rwa itu nĩ kwehera rũkwehera. Rĩu hutia rũthiomi nĩguo wambĩrĩrie gũthoma.
Cenjia Ndemwa
No ũnenehie kana ũnyihie ndemwa o ta ũrĩa ũngĩona kwagĩrĩire.
Hutia karũũri ka Ũnene wa Ndemwa kana Text Settings, ũcoke ũhutie kamũkururo-inĩ nginya ũkinyĩre ũnene wa ndemwa ũrĩa ũngĩenda. Ũnene wa ndemwa ũrĩa ũgũthuura ũkũhũthĩka harĩ mabuku mothe.
Rora Mbica kana Ciugo
Icunjĩ imwe no ũcione irĩ mbica kana ũhoro mwandĩke. Hutia karũũri karĩa kagĩrĩire nĩguo ũcenjie mbica kana ũhoro mwandĩke.
Rora Mbica: Wacenjia gĩcunjĩ kĩoneke kĩrĩ ta mbica, noguo gĩkoragwo kĩhaana kĩrĩ gĩcabe. Andũ amwe nĩ mendete gũcenjia icunjĩ na njĩra ĩyo makĩria ibuku-inĩ rĩa nyĩmbo nĩguo mone rwĩmbo rũrĩ rũbange.
Rora Ciugo: Ũngĩcenjia gĩcunjĩ kĩoneke kĩrĩ ũhoro mwandĩke, no ũnyihie kana ũnenehie ndemwa na ũhote kũhutia Maandĩko ma Bibilia nĩguo ũmathome.
Hingũra thĩinĩ wa. . .
Gacunjĩ ka Hingũra na . . . kana Open in . . . no gagũteithie kũhingũra gĩcunjĩ o kĩu ũrathoma nja wa JW Library.
Hutia Hingũra na . . . kana Open in . . . nĩguo wone njĩra ingĩ ũngĩhũthĩra kũhingũra gĩcunjĩ kĩu nacio. Kwa ngerekano, no ũhutie Hingũra na Ũthuthuria Intaneti-inĩ kana Open in Online Library nĩguo ũhingũre gĩcunjĩ kĩrĩa ũrathoma thĩinĩ wa Ũthuthuria INTANETI-INĨ.
Thuura Bibilia Iria Wendaga
Ũngĩhutia rĩandĩko rĩa Bibilia rĩrĩa rĩonanĩtio gĩcunjĩ-inĩ o gĩothe ũrathoma, nĩ rĩhingũkaga. No ũhutie Thuura Bibilia kana Customize gũthuura Bibilia iria ũngĩenda ihingũkage rĩrĩa wahutia Maandĩko.
Hutia rũũri rwa Add kana Remove kweheria kana kuongerera Bibilia. Ambatia kana ũikũrũkie Bibilia nĩguo ũcibange ũrĩa ũrenda.
Ona “Ruta na Ũbange Bibilia—Android” nĩguo ũmenye ũrĩa ũngĩgĩa na Bibilia ingĩ thĩinĩ wa JW Library.
Maũndũ maya marutirũo Mĩĩ 2014 thĩinĩ wa JW Library 1.2, ĩrĩa ĩhũthagĩra Android 2.3 kana ĩngĩ njerũ gũkĩra ĩyo. Angĩkorũo ndũrona maũndũ maya twageta, ũkũũrio ũrũmĩrĩrĩre ũtaaro ũrĩa ũrĩ thĩinĩ wa gĩcunjĩ kĩa “Ambĩrĩria Kũhũthĩra JW Library—Android,” rungu rwa Gĩa na Maũndũ ma Ica Ikuhĩ.
